उपत्यकामा २८ सहित थप २०४ सङ्क्रमित, कुल १६ हजार १६८

पछिल्लो २४ घण्टामा २०४ जनामा कोरोना सङ्क्रमित पुष्टि भएकाे छ । योसँगै कुल सङ्क्रमित १६ हजार १६८ पुगेको स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा मन्त्रालयका प्रवक्ता प्राडा जागेश्वर गौतमले जानकारी दिनुभएको हो ।

राजधानीका ठूला अस्पतालमा सङ्क्रमित बढ्नथाले, गङ्गालालकाे बहिरङ्ग सेवा बन्द

अस्पतालले केही बिरामीहरूमा सार्स–कोभ–२ देखिएकोले थप सतर्कता अपनाउन आकस्मिक बाहेकको सेवा स्थगन गरिएको जनाएको छ । अस्पतालले सेवा सुचारुबारे केही खुलाएको छैन । त्यसैगरी, ललितपुरको पाटन अस्पतालमा उपचारका क्रममा मृत्यु भएको एक युवामा समेत कोरोना सङ्क्रमण पुष्टि भएको छ । अस्पतालका निर्देशक डा. विष्णु शर्माले उपचारका लागि जटिल अवस्थामा पाटन अस्पताल ल्याइएकोमा उपचारको क्रममा मृत्यु भएको बताउनुभयो ।

बेनी अस्पतालमा थप तीन जनामा डेङ्गी, कुल सङ्क्रमित २० पुगे

उच्च ज्वरो आउने, टाउको दुख्ने तथा शरीर दुख्ने समस्या लिएर आएका तीन जनामा डेङ्गी सङ्क्रमण पोजिटिभ भेटिएसँगै म्याग्दीको बेनी अस्पतालमा उपचारका लागि आएका २० जनामा सङ्क्रमण पुष्टि भएको छ । बेनी अस्पतालमा उपचारका लागि आइतबार आएका दुईजना बिरामीमा आइतबार साँझ र सोमबार एक जनामा डेङ्गुरोग तथा एक जनामा स्क्रब टाईफस पोजिटिभ देखिएको छ ।

प्रारम्भिक नतिजामा उपत्यकामा सङ्क्रमण समुदायस्तरमा फैलिएको पाइएन: स्वास्थ्य प्रवक्ता

काठमाडौँ उपत्यका कोरोना भाइरसको सङ्क्रमण समुदायस्तरमा नफैलिएको बताइएको छ । कोरोना भाइरस सङ्क्रमण फैलिएको छ कि छैन भनी स्वास्थ्य मन्त्रालयले गरेको प्रारम्भिक परीक्षणमा सबैको नेगेटिभ पुष्टि भएकाे हाे । स्वास्थ्य मन्त्रालयका प्रवक्ता प्राडा जागेश्वर गौतमले राजधानीका विभिन्न १० स्थानमा लिइएका स्वाबमध्ये प्रारम्भिक रुपमा गरिएको परीक्षणको नतिजा सबै नेगेटिभ आएको बताउनुभएको हो । काठमाडौँको तीनकुने र ललितपुरको...

नेपालमा ४२.७ प्रतिशत सङ्क्रमित कोरोनामुक्त भए

स्वास्थ्य तथा जनसङ्ख्या मन्त्रालयका अनुसार सबैभन्दा बढी सङ्क्रमित पुष्टि भएको प्रदेश २ मा नै सबैभन्दा बढी बिरामी सङ्क्रमणमुक्त भएका छन् । प्रदेश २ मा चार हजार १८४ जना सङ्क्रमित पुष्टि भएकोमा २०७२ जना कोरोनामुक्त भएका छन् । हाल प्रदेश २ का आठ जिल्लामा दुई हजार ११२ जनामा कोरोनाभाइरसका सक्रिय बिरामी छन् ।