सिद्धार्थ राजमार्ग दैनिक आठ घण्टा बन्द हुने

पाल्पा–बुटवल सडकखण्डअन्तर्गतको सिद्धार्थ राजमार्ग दैनिक आठ घण्टा बन्द हुने भएको छ । राजमार्गको घुम्ती कटान गरेर सडक स्तरोन्नति गर्न आगामी चैत १ देखि १२ गतेसम्म दैनिक आठ घण्टा बन्द गरिँदैछ ।

वीरेन्द्रनगरले फोहरबाट ऊर्जा उत्पादन गर्ने

कर्णाली प्रदेशमै पहिलोपटक वीरेन्द्रनगर नगरपालिकाले फोहरबाट ऊर्जा उत्पादन गर्ने तयारी थालेको छ । यसका लागि नगरपालिका, वैकल्पिक ऊर्जा प्रवद्र्धन केन्द्र र केपी व्यावसायिक सेवा प्रालिबीच त्रिपक्षीय सम्झौता भएको छ ।

चैनपुर–ताक्लाकोट सडक योजना सुस्त गतिमा

सुदूरपश्चिम प्रदेशको त्रिदेशीय नाका जोड्ने यस क्षेत्रकै गौरवको योजना सेती लोकमार्ग अन्तर्गत चैनपुर–ताक्लाकोट सडकखण्डको निर्माणको काम सुस्त गतिमा रहेको भेटिएको छ । सदरमुकाम चैनपुरबाट उत्तरीखण्डमा निर्माण भइरहेको यो सडक छिटोछरितो निर्माण गर्न यस क्षेत्रका बासिन्दाको माग रहँदै आए पनि सडक निर्माणको ठेक्का लिएका निर्माण कम्पनीको लापरबाहीका कारण काममा ढिलाइ भएको हो ।

राष्ट्रिय प्रसारण लाइनमा चैतदेखि २५ मेगावाट बिजुली थपिँदै   

जलविद्युत्को ‘हव’ बन्दै गरेको लमजुङ जिल्लाबाट राष्ट्रिय प्रसारण लाइनमा आगामी चैत महिनाबाट २५ मेगावाट बिजुली थपिन लागेको छ । दोर्दी गाउँपालिकामा निर्माणाधीन माथिल्लो दोर्दी ‘ए’ जलविद्युत् आयोजना निर्माण सकिने भएसँगै यस आयोजनाबाट २५ मेगावाट बिजुली राष्ट्रिय प्रसारण लाइनमा थपिने भएको हो । विसं २०७१ असोजबाट निर्माण थालिएको सो आयोजना आगामी चैत्र मसान्तसम्म व्यावसायिक विद्युत् उत्पादन गर्ने लक्ष्यका साथ काम तीव्र...

ललितपुरका महिलालाई मास्क बनाउने तालीम   

ललितपुर महानगरपालिका समाज कल्याण महाशाखाले यहाँभित्र रहेका समूहका महिलालाई मास्क बनाउने तालीम दिइरहेको छ । बजारमा कोभिड–१९ को सङ्क्रमण बढ्नसक्ने अवस्थामा मास्कको अभाव भएसँगै उक्त तालीम दिइएको हो ।