नायक शाहको थुनछेक बहस सुरु

नाबालिकामाथि जबरजस्ती करणी गरेको आरोपमा पूर्पक्षका लागि तनहुँ कारागारमा रहनु भएका कलाकार पल शाहसँग मङ्गलबारबाट नवलपुर जिल्ला अदालत कावासोतीले थुनछेक बहस सुरु गरेको छ । कलाकार पल शाहलाई बहसका लागि मङ्गलबार नवलपुर लगिएको थियो । कावासोतीस्थित नवलपुर जिल्ला अदालतले थुनछेक बहसका लागि पत्र आएकाले मङ्गलबार नवलपरासी पठाइएको तनहुँ कागारका निमित्त प्रमुख नारायणप्रसाद अधिकारीले जानकारी दिनुभयो ।

तनहुँबाट ६ हजार बढी विद्यार्थी एसईई परीक्षामा सहभागी हुने

तनहुँबाट यस वर्ष ६ हजारभन्दा बढी विद्यार्थी एसईई परीक्षामा सहभागी हुनेभएका छन् । वैशाख ९ गतेबाट सुरु हुने एसईई परीक्षामा एक खुला विद्यालयसहित निजी र सामुदायिक विद्यालयबाट ६ हजार १८५ जना सहभागी हुनेभएका हुन् ।

किशोरी हत्यापछि बेलकाका विद्यालय शोक विदामा

हिजो मंगलबार विहान किशोरीको हत्या भएपछि उदयपुरको बेलका नगरपालिका क्षेत्रका विद्यालयमा आज शोकविदा दिइएको छ । मृतक किशोरी अध्ययनरत कोशी जनता माध्यामिक विद्यालय लगायत पालिकाका अन्य विद्यालयले पनि शोक विदा दिएका हुन् ।

उदयपुरमा किशाेरी हत्या प्रकरणमा पक्राउ परेका दुईजना माथि म्याद थप हुँदै

किशोरीको हत्यारालाई सार्बजनिक गर्न माग गर्दै स्थानीयले उदयपुरको रामपुर बजारक्षेत्रमा आज प्रदर्शन गरेका छन् । घटनाको २४ घण्टा वितिसक्दा पनि प्रहरीले अपराधी सार्बजनिक नगरेको भन्दै स्थानीयले प्रदर्शन गरेका हुन् ।

हुम्लामा हेलिकप्टरमार्फत खाद्यान्न ढुवानी सुुरु

हुुम्लाका लागि हवाई मार्गबाट खाद्यान्न ढुवानीको जिम्मा पाएको सिम्रिक एयर कार्गोले खाद्यान्न ढुवानी कार्य हेलिकोप्टरबाट सुुरु गरेको छ । यसअघि खाद्यान्न ढुवानी गर्दैआएका निजी एयरलाइन्सहरु सबै काठमाडौं केन्द्रित भएपछि उक्त कार्गोले विकल्पमा हेलिकोप्टरबाट ढुवानी सुुरु गरेको हो ।