हिमपातले जुर्मुरायो स्थानीय पर्यटन क्षेत्र

पहाडी जिल्ला लमजुङमा हिमपात हुन थालेपछि पर्यटकीय गाउँहरु स्थानीय पर्यटकले भरिभराउ भएको छ । स्थानीय पर्यटक बढेपछि स्थानीय पर्यटनमा टेवा पुगेको स्थानीयको बुझाई छ । उच्च पहाडी क्षेत्रमा बिहीबार रातिदेखि शुक्रबार रातीसम्म बाक्लो हिमपात भएको थियो । हिमपात भएपछि हिउँ खेल्न पर्यटकीय गाउँ जानेको भीड लागेको छ । यसअघि पर्यटकको संख्या शून्यजस्तै रहेको गाउँमा हिमपातपछि सयौं पर्यटक हिमपात भएको क्षेत्रमा पुगेका छन् ।

गण्डकी प्रदेश सभाको चौथो वार्षिकोत्सव सम्पन्न

गण्डकी प्रदेश सभाले शनिबार चार बर्ष पूुरा गरेको अबसरमा वार्षिकोत्सव सम्पन्न गरेको छ । प्रदेश सभा सचिवालयमा स्वास्थ्य मापदण्ड पालन गरी जुममार्फत् समेटेर अन्तरक्रिया गरी दिवस मनाएको हो । कार्यक्रममा पूर्वप्रधानमन्त्री डा. बाबुराम भट्टराईले मुलुकको मध्यभागमा रहेको गण्डकी प्रदेशले राज्य निर्माणमा ठूलो योगदान पु¥याएको बताउनुुभयो । ‘गण्डकीले सम्पादन गर्नुपर्ने दायित्व जहिले पनि अब्बल रहनुपर्छ’ उहाँले भन्नुभयो...

धार्चुला क्षेत्रमा निर्माण गरिरहेको पक्की तटबन्धबारे नेपालले कुरा उठायाे

नेपाल–भारत सीमा समन्वय समितिको बैठक भर्चुअल माध्यमबाट सम्पन्न भएको छ । जिल्ला प्रशासन कार्यालय दार्चुलाको आयोजनामा दार्चुला, बैतडी र भारतको पिथौरागढका अधिकारीहरुबीच भर्चुअल बैठक सम्पन्न भएको हो ।

हिँउदे वर्षाले गहुँ र आलस बालीलाई फाइदा

केही दिन यता परेको हिँउदे वर्षाले अरहर बाहेक सबै बालीलाई फाइदा नै भएको लहान नगरपालिका कृषि शाखाले जनाएको छ । कृषि शाखाका प्रमुख प्रकाश साह हलुवाइकाअनुसार अरहर बालीमा पहिलो पटक लागेको फूल वर्षाका कारण झरेकाले हिँउदे वर्षाले कूल उत्पादनको २५ प्रतिशत कम अरहर उत्पादन हुनेछ । अरहर (रहर) बाहेक मसुरो, चना, गहुँ, आलस लगायतका बालीहरुलाई वर्षाले फाइदा नै भएको छ ।

वर्षाले बाँकेको इँटा उद्योगमा करोडौंको क्षति

केही दिनयता दुई पटक गरेर भएको वर्षाका कारण बाँकेका इँटा व्यवसायीले करिब २० करोड रुपियाँ बरावरको क्षति व्यहोर्नु परेको छ । पकाउनका लागि तयार पारेर राखिएका ९० प्रतिशत्भन्दा बढी काँचो इँटाहरु बर्षाका कारण कामै नलाग्ने गरी नष्ट भएको व्यवसायीको भनाई छ ।