थ्रिडी पार्क मर्मत पछि सञ्चालनमा

निर्माण भएको लामो समयसम्म सञ्चालनमा आउन नसकेको तम्घासको थ्रिडी पार्क मर्मत पश्चात अहिले सञ्चालनमा आएकोे छ । रेसुङगा नगरपालिका र लुम्बिनी प्रदेशको ५०–५० प्रतिशत साझेदारीमा ५५ लाख रुपियाँको लागतमा पार्क निर्माण गरिएको हो । सो पार्कलाई नगरपालिकाले थप पाँच लाख रुपियाँको लागतमा मर्मत गरी सञ्चालनमा आएको हो ।

चैत मसान्तभित्र हतियार बुझाउन अल्टिमेटम

इजाजत प्राप्त हात हतियार चैत मसान्तभित्र बुझाउन जिल्ला प्रशासन कार्यालय जाजरकोटले अल्टिमेटम दिएको छ । जिल्ला प्रशासन कार्यालयका प्रशासकीय अधिकृत झलक केसीले आगामी वैशाख ३० गते हुने स्थानीय तहको निर्वाचन शान्त, भयरहित वातावरणमा सम्पन्न गर्ने उद्देश्यले जिल्लाका नागरिकलाई इजाजत प्राप्त सबै हतियार बुझाउन प्रशासनले निर्देशन दिएको बताउनुभयो ।

चुनढुंगा खानी विषयको अध्ययन प्रतिवेदन सार्वजनिक

पाल्पामा सञ्चालित चुनढुङ्गा खानीको विषयमा उठेको विभिन्न सवालबारे अध्ययन् गर्न बनेको समितिले प्रतिवेदन सार्वजनिक गरेको छ । जिल्लाका विभिन्न चुनढुंगा खानीको स्थलगत अध्ययन्पछि अनुगमन समितिले तयार गरेको प्रारम्भिक प्रतिवेदन सार्वजनिक गरिएको हो ।

मेलम्ची र इन्द्रावतीमा धारा सञ्चालनमा

फटकशिला ग्रामीण खानेपानी तथा सरसफाइ आयोजनाबाट मेलम्ची नगरपालिका–१३ स्थित फटकशिलाका ३०० घरधुरीमा खानेपानी उपलब्ध गराइएको छ । नगरपालिकाको रु दुई करोडको लगानीमा बोरिङ गरी पानी उपलब्ध गराएपछि वर्षौंदेखि खानेपानी समस्यामा रहेका फटकशिलाका बासिन्दा घरघरमा पानी आएपछि हर्षित भएका छन् । नगरप्रमुख डम्बर अर्यालले नगरपालिकाको सबैभन्दा ठू

लागुऔषधसहित एक पक्राउ

बाराबाट प्रहरीले दुई हजार ९९० थान प्रतिबन्धित लागुऔषधसहित एक जनालाई पक्राउ गरेको छ । पक्राउ पर्नेमा सर्लाही जिल्लाको पर्सा गाउँपालिका–२ सङ्ग्रामपुर बस्ने वर्ष २० को मिथिलेशकुमार मण्डल रहेका छन् ।