खाद्यान्न नपुगेको मासपुरवासीको गुनासो

दुर्गमको बस्ती मासपुरमा खाद्य व्यवस्था तथा ब्यापार कम्पनी लिमिटेडको ढुवानी अनुदानको खाद्यान्न हालसम्म नपाएको गुनासो स्थानीयले गर्नुभएको छ । खाद्यान्न बिक्री केन्द्र पुग्न एक दिन लाग्ने र लिमिटेडको खाद्यान्न बिक्री वितरणबारे मासपुरवासीलाई जानकारी नहुने भएपछि खाद्यन्नबाट बन्चित हुँदैआउनु भएको छ ।

बाली जोगाउन रातभरि खेतमै जाग्राम

अन्नबाली जोगाउन कालिमाटी गाउँपालिका काप्रचौरका भिमसरा बुढालाई खेतमै जाग्राम बसेर रात बिताउनुपरेको छ । उहाँलार्ई खेतमा रात बिताउन रहर भने होईन, बाध्यता हो । काप्रचौरकै टेकबहादुर बिकले पनि वाह्रै महिना अन्नवाली जोगाउन हेरालो वस्नुपर्ने बाध्यता सुनाउनुभयो ।

छात्रालाई विद्यालयमा नियमित गराउन सेनेटरी प्याड वितरण

सामुदायिक विद्यालय र मदरसामा छात्राहरुको नियमित उपस्थिति बढाउन नेपालगञ्ज उपमहानगरपालिकाले नगरभित्रका सामदायिक विद्यालय र मदरसामा अध्यनरत छात्रालाई सेनेटरी प्याड वितरण गर्न सुरु गरेको छ ।

मधेस प्रदेशसभाको बैठक आज बस्दै

मधेस प्रदेशको प्रदेशसभाको बैठक आज बस्न लागेको छ । प्रदेशसभा सचिवालयका अनुसार आज अपराह्न २ बजे बस्ने प्रदेशसभाको बैठकमा प्रदेश सरकारले कृषि विश्वविद्यालय तथा प्राविधिक शिक्षा विश्वविद्यालयसम्बन्धी प्रतिस्थापन विधेयक प्रस्तुत गर्ने सम्भावित कार्यसूची रहेको प्रदेशसभा सचिवालयका सचिव रञ्जीतकुमार यादवले जानकारी दिनुभयो ।

सुक्खा पहिराेले चुरे काछवासी त्रासमा

बर्दिवास नगरपालिका–१० र ११ मा पर्ने खयरमाराको चुरे काछका बासिन्दा त्रासमा छन् । बुधबार राति चुरे काछको तीनतले बस्ती नजिकै पाखामा ठूलो पहिरो गएपछि यहाँका १० भन्दा बढी बस्तीका बासिन्दा निदाउन सकेका छैनन् । पहिराले खयरमारा खोला थुनेर हिउँदे बाटो अवरुद्ध गरेपछि बजारसँगको सम्बन्ध पनि काछवासीको टुटेको छ । “के गरम् हजुर, निन्द्रा लाग्दैन, कतिखेर कुन पाखा झर्ने हो भन्ने त्रास भइरहन्छ”, भाङ्ग्रे बस्तीकी सन्तमाया तामाङले...