इतिहासकार ज्ञानमणि नेपाल र गीतकार श्याम तमोटलाई भोजपुर प्रतिभा सम्मान

इतिहासकार ज्ञानमणि नेपाल र गीतकार श्याम तमोटलाई भोजपुर प्रतिभा सम्मान प्रदान गरिएको छ । भोजपुर प्रतिभा प्रतिष्ठान बेलायतद्वारा राजधानीमा शनिबार आयोजित कार्यक्रममा पूर्व उपकूलपति गणेश रसिकले सो सम्मान प्रदान गर्नुभएको हो । सो सम्मानको राशि १० हजार रुपियाँको छ ।

नेपाली साहित्य तथा संस्कृति प्रतिष्ठानद्वारा ६ जना स्रष्टा सम्मानित

नेपाली साहित्य तथा संस्कृति प्रतिष्ठान गोदावरी कैलालीले विभिन्न स्रष्टाहरुलाई सम्मानित गरेको छ । सो संस्थाले मंगलबार नेपाल प्रज्ञा प्रतिष्ठान कमलादीमा आयोजित पुरस्कार समर्पण कार्यक्रममा ६ जना स्रष्टाहरुलाई सम्मानित गरेको हो ।

व्याकुल माइलाको पैतृक सम्पति प्रतिष्ठानलाई

राष्ट्रिय गानका सर्जक प्रदीपकुमार राई (व्याकुल माइला)ले आफ्नो नाममा रहेको घर जग्गाका भोगाधिकार प्रतिष्ठानलाई हस्तान्तरण गर्नुभएको छ । ओखलढुङ्गा जिल्ला मानेभञ्ज्याङ गाउँपालिका–६ हिलेपानीमा रहेको व्याकुल माइलाको नाममा रहेको डेढ रोपनी जग्गा र एक तले कच्ची घर व्याकुल माइलाले प्रतिष्ठानलाई दिनुभएको हो ।

नेपालभाषा साहित्य महोत्सव कीर्तिपुरमा

नेपालभाषा साहित्य महोत्सवको चौथो संस्करण कीर्तिपुरमा हुने भएको छ। नेपालभाषा साहित्य विकासको उद्देश्यसहित सन्ध्या टाइम्स पिथना प्रालिको प्रकाशन नेपालभाषा टाइम्स दैनिकको आयोजनामा विगत पाँच वर्ष अगाडिदेखि नेपालभाषा साहित्य महोत्सव हुँदै आएको छ। कोभिड महामारीका कारण गत वर्ष कार्यक्रम हुन नसेकेकोले यो वर्ष चौथो संस्करणको रुपमा कार्यक्रम हुन लागेको हो।

बहुआयामिक प्रतिभाका धनी विप्लव

विप्लव प्रतीक मूलतः कवि हुनुहुन्छ । उहाँका ‘नहारेको मान्छे’ (कविता सङ्ग्रह), ‘अ पर्सन किस्ड बाई दी मुन’ (कविता सङ्ग्रह) ‘अविजित’ (उपन्यास) प्रकाशित छन् । उहाँ रङ्गकर्मसँग पनि करिब हुनुहुन्छ । मझौला कद, हँसिलो अनुहार र उहाँको लुगा छनोट गरेर लगाउने तरिकाले उहाँलाई झनै जवान देखाउँछ । उहाँको पछाडि बाटेको लामो कपाल साधुसन्तको जस्तो छ, जसको एउटा भिन्दै कथा छ । उहाँ आफूलाई सधैँ जवान ठान्नुहुन्छ । उमेर सोध्यो भने जिस्किँदै उहाँ...