यू–१८ महिला साफ टोली भारत प्रस्थान

भारतको जमसेदपुरमा मार्च १५ देखि २५ तारिखसम्म आयोजना हुने यू–१८ महिला साफ महिला च्याम्पियनसिप फुटबलमा सहभागिता जनाउन नेपाली महिला टोली आइतबार भारत प्रस्थान गरेको छ । च्याम्पियनसिपमा नेपाल, भारत र बङ्गलादेशले प्रतिस्पर्धा गर्दैछन् ।

युक्रेनी शरणार्थी राख्नेलाई प्रतिमहिना ३५० पाउण्ड दिने बेलायतकाे घाेषणा

बेलायत सरकारले युक्रेनी शरणार्थीलाई हेरचाह गर्ने बेलायती परिवारलाई प्रतिमहिना ३५० पाउण्ड (करिब ५० हजार रुपियाँ ) दिने घोषणा गरेको छ । दोस्राे विश्वयुद्धपछि सबैभन्दा बढी युरोपमा शरणार्थीहरु बढ्ने आशका भइरहेकोमा बेलायतले खाली भएका घर र खाली कोठा दिनेहरुलाई सो रकम दिने विषयमा बीबीसीद्वारा प्रकाशित समाचारमा उल्लेख छ । ‘होम्स फर युक्रेनी’ अर्थात् युक्रेनीहरुको लागि घर भन्ने नयाँ स्किममा सरकारले युक्रेनी शरणार्थीहरुलाई...

बुद्ध एकेडेमीलाई बास्केटबल उपाधि

बुद्ध एकेडेमीले गोकर्णेश्वर नगरस्तरीय छात्र बास्केटबल प्रतियोगिताको उपाधि जितेको छ । गोकर्णेश्वर नगरपालिकाको आयोजना तथा गोरक्ष स्पोर्टिङ क्लबको संयोजनमा भएको प्रतियोगिताको फाइनलमा आइतबार बुद्ध एकेडेमीले इस्ट पोललाई ८१–१३ को फराकिलो अन्तरले हरायो ।

प्रतिनिधिसभाको अर्को बैठक चैत २ गते बस्ने

प्रतिनिधिसभाको अर्को बैठक चैत २ गते बस्ने भएको छ। आइतबारको बैठकमा प्रधानन्यायाधीश चोलेन्द्रशम्शेर राणाविरुद्ध महाभियोग प्रस्ताव पेश भए लगत्तै बैठक स्थगित भएको छ। सभामुख अग्निप्रसाद सापकोटाले महाभियोग प्रस्तावमाथिको छलफल प्रतिनिधिसभाको आगामी बैठकबाट सुरु हुने जानकारी गराउनुभयो। अर्को बैठक चैत २ गते बुधबार दिउँसो १ बजे बस्नेछ।

‘पदीय मर्यादा नदेखिएकाले प्रधानन्यायाधीश राणाविरुद्ध महाभियोग’

नेकपा (माओवादी केन्द्र)का सांसद देव गुरुङले प्रधान्यायाधीश चोलेन्द्रशम्शेर राणाले पदीय मर्यादा अनुरुप काम नगरेको बताउनुभएको छ। आइतबार प्रतिनिधिसभा बैठकमा राणाविरुद्धको महाभियोग प्रस्ताव पेश गर्दै गुरुङले यस्तो बताउनुभएको हो। प्रधान्यायाधीशले अदालतको गरिमा कायम गर्न नसकेको बताउनुभयो। प्रधान्यायाधीशको सुनुवाइका क्रममा संसदमा गरेका प्रतिवद्धता पूरा नगरेकोसमेत उहाँले बताउनुभएको छ।

उमा कुङफुमा बूढानीलकण्ठ टिम च्याम्पियन

आयोजक बूढानीलकण्ठ उमा कुङफु शाखाले बूढानीलकण्ठ नगरस्तरीय उमा कुङफु प्रतियोगिताको उपाधि जितेको छ । सर्वाधिक १७ स्वर्ण जित्दै बूढानीलकण्ठ समग्रमा टिम च्याम्पियन बनेको हो ।

वाह ! सालैजो

संसार महामारीबाट अछुतो रहन सकेन । सबैले पीडा भोगे । गरिब निमुखा र व्यवसायीले पीडाको भार धेरै बोक्नुपर्यो । यस्तै पीडाको भार बोक्ने बृहस्पती (रोय श्रेष्ठ) को कथा हो, नाटक ‘ढल्केको सालैजो’ ।

हुम्लामा माओवादी केन्द्र र जनता समाजवादी पार्टीबीच एकता

जनता समाजवादी पार्टीमा हुम्ला जिल्लाबाट केन्द्रीय समितिमा प्रतिनिधित्व गर्ने दुई जना केन्द्रीय सदस्यसहित सिङ्गो जिल्ला कार्यसमिति र नेकपा माओवादी केन्द्रबीच समायोजना भएको छ । केन्द्रीय नीति नभए पनि जिल्लामा केही समय अघि दुई पार्टीबीच जिल्लास्तरमा समायोजन गर्ने सहमति अनुसार आइतबार घोषणासभा आयोजना गरेर समायोजन भएको हो ।

प्रधानन्यायाधीश राणाविरुद्धको महाभियोग प्रस्ताव संसद्‍मा पेश

प्रधानन्यायाधीश चोलेन्द्रशम्शेर जबराविरुद्धको महाभियोग प्रस्ताव संसद्‍मा पेश भएको छ। आइतबारको प्रतिनिधिसभा बैठकमा माओवादी सांसद देव गुरुङले महाभियोग प्रस्ताव पेश गर्नुभएको हो। संविधानको धारा १०१ को उपधारा (२) एवम् प्रतिनिधिसभा नियमावली २०७५को नियम १६१ अनुसार सांसद देव गुरुङ, सांसद पुष्पा भुसाल गौतम र जीवनराम श्रेष्ठ प्रस्तावक एवम् ९५ जना समर्थक पेश भएको प्रस्ताव आइतबार प्रतिनिधिसभा बैठकमा पेश भएको हो।

प्रतिनिधिसभा बैठकमा एमालेको अवरोध कायमै

आइतबारको प्रतिनिधिसभा बैठकमा प्रमुख प्रतिपक्षी दल नेकपा (एमाले)ले अवरोध कायम राखेको छ। पार्टीले कारबाही गरेका सांसदको सूचना सभामुखले टाँस नगरेको भन्दै लामो समयदेखि बैठक अवरोध गर्दै आएको एमालेले आइतबार अवरोधलाई कायमै राखेको हो। सभामुख अग्निप्रसाद सापकोटाले बैठक सुरु गर्नुभए लगत्तै एमाले सांसदले बैठकमा अवरोध गरेका हुन्। सभामुखको अवरोधबीच बैठकमा सांसदलाई धारणा राख्न समय दिनुभएको हो।