एमाले अध्यक्ष ओली साढे १० बजे पोखरा जानुहुँदै, संसद् बैठकमा सहभागी नहुने

प्रमुख प्रतिपक्षी दल नेकपा एमाले अध्यक्ष केपी शर्मा ओली शुक्रबार बिहान साढे १० बजे पोखरा जानुहुने भएको छ । एमाले गण्डकी प्रदेश कमिटीद्धारा आयोजित पार्टी प्रवेश कार्यक्रममा सहभागी हुन उहाँ अहिले जाने तयारीमा रहनुभएको अध्यक्ष ओलीका प्रेस संयोजक रामशरण बजगाँईले जानकारी दिनुभयो ।

हिउँदे वर्षाले बाली सप्रिएपछि किसान खुसी

यसपालिको हिउँदमा पटक–पटक परेको हिउँदे वर्षाले किसानलाई उत्साहित बनाएको छ । आकाशेपानीको भरमा खेती गर्ने क्षेत्रका कृषकलाई हिउँदे वर्षाले बाली सप्रने भएकाले उत्साहित बनाएको हो । हिउँदे वर्षाले कालीकोटको सुक्खा क्षेत्र मानिने पलाँतामा राम्रो उत्पादन हुने आशा किसानले गरेका छन् । पलाँता गाउँपालिका–२ का गोरेबहादुर बमले यसपालिको हिउँदे वर्षाले किसानलाई फाइदा गर्ने बताउनुभयो । यही अवस्था रहिरहेमा पलाँतामा दुई वर्षलाई...

आगामी वर्षदेखि जलवायु अनुकूलन कार्यक्रम

जलवायु परिवर्तनको असरले अत्यन्तै जोखिमपूर्ण भूगोल रहेको नेपालले आगामी आर्थिक वर्षदेखि जलवायु अनुकूलनका कार्यक्रम अनिवार्य रूपमा सञ्चालन गर्ने भएको छ । आगामी वर्षको बजेटमा सबै सरोकारवाला मन्त्रालय, प्रदेश तथा स्थानीय तहबाट जलवायु अनुकूलनका कार्यक्रमलाई प्राथमिकतामा राख्दै बजेट विनियोजन गर्ने तयारी सरकारले गरेको छ ।

ढुङ्गाको सट्टामा इन्टरलक इँटा

ताप्लेजुङमा नयाँ प्रविधिको इन्टरलक इँटा उत्पादन गर्न थालिएको छ । स्थानीय माटो, बालुवा र सिमेन्ट प्रयोग गरेर बनाइने इन्टरलक इँटा जिल्लामै पहिलो पटक उत्पादन गर्न थालिएको हो । सदरमुकाम फुङ्लिङ बजारका युवा व्यवसायी लक्ष्मी काफ्लेले उद्योग स्थापना गरी इन्टरलक इँटा उत्पादन गर्न थाल्नुभएको हो ।

बिरामी कुरुवालाई पनि खाना

महाबौद्धस्थित राष्ट्रिय ट्रमा सेन्टरका बिरामीका कुरुवालाई पनि खाना खुवाइने भएको छ । सेन्टरले सातौँ वार्षिकोत्सवको अवसर पारेर बिरामीका आफन्त कुरुवालाई पनि खाना खाने व्यवस्था गरेको हो । यसअघि ट्रमा सेन्टरमा बिरामीलाई मात्र खाना खान दिइन्थ्यो ।

न्यूनतम कर्जा प्रवाहको समयसीमा थप

तोकिएको क्षेत्रमा निश्चित प्रतिशत कर्जा प्रवाह गर्न बैङ्कलाई हम्मेहम्मे परेको अवस्थामा नेपाल राष्ट्र बैङ्कले एकीकृत निर्देशनमा परिमार्जन÷संशोधन गरी न्यूनतम कर्जा प्रवाहको समयावधि थप गरेको छ । मौद्रिक नीतिको अर्धवार्षिक समीक्षापछि राष्ट्र बैङ्कले आगामी २०८२ असार मसान्तसम्मको अवधिलाई लक्षित गर्दै निश्चित क्षेत्रको कर्जा लगानीको थप प्रतिशत तय गरेको हो ।

खानीले उठिबास पार्ने भयो

चुनढुङ्गा खानीबाट विस्थापनको अवस्थामा पुगेका चेपाङलाई आवासको व्यवस्था गर्न राष्ट्रिय मानव अधिकार आयोगले सरकारसँग माग गरेको छ । एक महिने स्थलगत अध्ययन गरी तयार गरिएको प्रतिवेदन भरतपुरमा बिहीबार सार्वजनिक गर्दै खानीले विस्थापनको अवस्थामा पुगेका ३५ घरपरिवारलाई उचित व्यवस्थापन गर्न आयोगले माग गरेको हो । चितवनको कालिका नगरपालिका–९ मा स्टारलाइन कम्पनीले सञ्चालन गरेको चुनखानीबाट कोलार गाउँका ३५ घरपरिवार विस्थापनको...

संसद् बैठक आज बस्दै

प्रतिनिधि सभामा अमेरिकी अनुदान सहायता मिलेनियम च्यालेन्ज कर्पोरेसन (एमसीसी)सँगको सम्झौतामाथि छलफलको प्रक्रिया राजनीतिक सहमतिका लागि स्थगन गरिएको छ । सम्झौता अनुमोदनको विषयमा सत्ता गठबन्धन नै विभाजित भएपछि प्रतिपक्षसँग समेत थप छलफल गर्न सरकारको आग्रहमा बैठक स्थगित गरिएको हो ।

साधुलाई तेत्तीस हजार किलो दाउरा

महाशिवरात्रि पर्व मनाउन पशुपति क्षेत्रमा साधुको आगमन बाक्लिएको छ । साधुलाई धुनी जगाउन यस पटक ३२ हजार ९४० केजी दाउरा नेपाल वन निगम लिमिटेडले पशुपति गुठी गोश्वारा कार्यालयलाई बुझाइसकेको छ । यस पटक काठ कञ्चनपुरबाट ल्याइएको हो।

सत्ता गठबन्धनको एकता (सम्पादकीय)

बुधबार सार्वजनिक गरिएको प्रतिनिधि सभाको सम्भावित कार्यसूचीमा अमेरिकी विकास सहयोग मिलेनियम च्यालेन्ज कर्पोरेसन (एमसीसी)को नेपाललाई दिने अनुदान सम्झौतामाथि छलफल हुने कार्यतालिका तय भएको थियो । यसअनुरूप एमसीसी सम्झौताका सम्बन्धमा बिहीबारदेखि सैद्धान्तिक छलफल प्रारम्भ हुने थियो । सांसदहरूबीच यस विषयमा बहस प्रारम्भ हुने थियो तर हुन सकेन । बिहीबार संसद् सचिवालयले सूचना टाँस गरी विशेष कारणवश प्रतिनिधि सभाको बैठक...