स्थानीय तहमा बैकल्पिक माध्यमबाट पठनपाठन गरिदै

सिन्धुलीमा कोरोना भाईरसको सङक्रमण जोखिम बढेसँगै बन्द गरिएका सामुदायिक विद्यालयले बैकल्पिक माध्यमबाट पठनपाठन सुरु गरेका छन् । कोरोना भाईरसको सङक्रमण जोखिम बढेसँगै माघ १५ गतेसम्म बन्द गरिएका सामुदायिक विद्यालयले विद्यार्थीलाई पढाईसँग बैकल्पिक माध्यमबाट पढाई सुरु गरेको जनाएका छन् । त्यसका लागि सामुदायिक विद्यालयहरुले १५ दिने शैक्षिक क्यालेण्डर बनाएका छन् ।

हवाई यात्रुको उपभोक्ता अधिकारप्रति बेवास्ता

हवाई यात्रा सहज, छिटो र भरपर्दाे भएको मानिन्छ तर सबै अवस्थामा यसो नहुन पनि सक्छ । तोकिएको समयभन्दा ढिला उडान हुनु वा रद्द हुनु सामान्य हुने गरेको छ । नेपालका आन्तरिक हवाई सेवामा आठ घण्टासम्म ढिलाइ हुने गरेको र यस्तो ढिलाइबारे सूचना यात्रुले नपाउने गरेको देखिएको छ । यस्तो ढिलाइमा सेवा प्रदायकले जिम्मेवारी लिने प्रचलन पनि छैन ।

बेलायत नर्सिङ जनशक्ति लैजान सहमत

नेपाल र बेलायतबीच श्रम सम्बन्ध कायम गर्ने विषयमा दुवै देश सहमत भएका छन् । काठमाडौँमा शुक्रबार दुवै देशका अधिकारीबीच भएको वार्तामा नेपालबाट स्वास्थ्य जनशक्ति (नर्स) पठाउने र बेलायतले उनीहरूलाई रोजगारीका अवसर प्रदान गर्ने सहमति भएको श्रम रोजगार तथा सामाजिक सुरक्षा मन्त्रालयले जनाएको छ ।

फुजी स्याउ खेतीमा आकर्षण

इटालियन फुजी स्याउप्रति जुम्ली किसानको आकर्षण बढेको छ । रोपेको एक वर्षमै उत्पादन हुन थालेपछि अहिले जुम्लामा फुजी स्याउ रोप्नेको सङ्ख्या बढेको छ । स्याउ उत्पादन तथा प्राविधिक सहयोग गर्दै आएकोे प्रधानमन्त्री कृषि आधुनिकीकरण आयोजना, स्याउ सुपरजोन कार्यालय, जुम्लाले फुजी स्याउ लगाउने किसानको सङ्ख्या बढ्न थालेको जानकारी दिएको छ ।

पुनः श्रम स्वीकृति अनलाइनबाट

अब अनलाइन प्रणालीबाट मात्र पुनः श्रम स्वीकृति दिने व्यवस्था भएको छ । गत वर्षदेखि भौतिक उपस्थिति र अनलाइन दुवै माध्यमबाट पुनः श्रम स्वीकृतिको काम भइरहेकामा आइतबारदेखि अनलाइनबाट मात्र हुने वैदेशिक रोजगार कार्यालय काठमाडौँले जनाएको छ । यसका लागि वैदेशिक रोजगार विभागको वेबसाइटको वैदेशिक रोजगार सूचना व्यवस्थापन प्रणालीमार्फत आवश्यक सबै कागजातसहित फाराम भर्नुपर्ने सो कार्यालयले जनाएको छ । पुनः श्रम स्वीकृतिका...