वर्षाका कारण बाह्र करोड रुपियाँ बराबरको काँचो ईटा नष्ट

लगातार परेको हिउँदे वर्षाका कारण दाङ जिल्लामा चौध करोड बढी काँचो ईटा नष्ट भएको छ । ईटा व्यवसायी समितिका सहसचिव टेशीराज पोखरेलकाअनुसार जिल्लाका ३३ ईटा उद्योगमा पकाउनका लागि तयारी अवस्थामा राखिएका करिब बाह्र करोड रुपियाँ बरावरका काँचो ईटा नष्ट भएको हो ।

धितोपत्र बोर्ड अध्यक्षका लागि पुनःआवेदन

सरकारले नेपाल धितोपत्र बोर्ड (सेबोन) को अध्यक्ष नियुक्तका लागि दोस्रो पटक सूचना प्रकाशन गरेको छ । अध्यक्ष नियुक्तिका लागि गठित छनोट तथा सिफारिस समितिले आज एक सूचना प्रकाशन गर्दै सो पदका आवेदन माग गरेको हो । अर्थ मन्त्रालयअन्तर्गतको बोर्डले यसअघि गत कात्तिक ११ गते एक सूचना जारी गर्दै अध्यक्ष पदका लागि आवेदन खुला गरेको थियो । यसअघि खुला गरिएको आवेदनलाई रद्द गर्दै पुनः दोस्रो सूचना प्रकाशन गरिएको हो ।

चिसोसँगै वर्षकै उच्च विदधुत खपत, १७ सय मेगावाट पुग्याे

मंगलबार देखिको मौसम वदलीसँगै ह्वात्तै बढेको चिसोका कारण विदधुत खपत वर्षकै उच्च तहमा पुगेको छ । नेपाल विदधुत प्राधिकरणको तथ्याङक अनुसार विदधुत खपत एक हजार छ सय ९९ मेगावाट पुगेको छ ।

सुन चाँदीको मूल्य घट्यो

सुनचाँदी बजारमा आज छापावाल सुनको मूल्य प्रतितोला रु ४०० ले घटेर रु ९२ हजार १०० तोकिएको छ । अघिल्लो दिन उक्त सुन प्रतितोला रु ९२ हजार ५०० मा कारोबार भएको थियो । नेपाल सुनचाँदी व्यवसायी महासङ्घले सार्वजनिक गरेको विवरणअनुसार आज तेजाबी सुनको मूल्य प्रतितोला रु ९१ हजार ६०० कायम भएको छ । बुधबार उक्त सुन प्रतितोला रु ९२ हजार तोकिएको थियो ।

हिउँदे वर्षा : किसानका लागि बरदान साबित

पुस महिनाको मध्यतिर परेको हिउँदे वर्षाले धनुषालगायत देशैभर चिसो बढे पनि किसानहरु बालीलाई फाइदा पुग्ने आसले हर्षित छन् । जिल्लासहित आसपासका क्षेत्रमा मङ्गलबार मध्यराति सुरु भएको वर्षा बिहीबार विहानसम्म निरन्तर प¥यो ।