पहिलो औद्योगिक ग्राम स्थापना

सुदूरपश्चिम प्रदेशको पहाडी जिल्ला अछाममा पहिलो औद्योगिक ग्राम मेल्लेख गाउँपालिकामा सञ्चालनमा आएको छ । गाउँपालिकाको सुयडा भन्ने स्थानमा ६६ लाख रुपियाँभन्दा बढी लगानीमा भौतिक र उपकरण जडान गरेर औद्योगिक ग्राम सञ्चालनमा ल्याइएको हो ।

खोप उद्योग स्थापनामा सहजीकरण

खोप उत्पादन गर्ने उद्योग स्थापनाका लागि व्यवस्था गर्दै नेपाल राष्ट्र बैङ्कले पुनर्कर्जा कार्यविधि, २०७७ तेस्रो संशोधनसहित ल्याएको छ । नेपाल सरकारबाट महामारीजन्य रोगको उपचारका लागि मान्यता प्राप्त खोप उत्पादन गर्ने उद्योग स्थापना गर्न बढीमा एक वर्ष र मध्यम तथा न्यून प्रभावित क्षेत्र भनी बैङ्कले तोकेका ग्राहक ऋणीका लागि छ महिना अवधिको हुने कार्यविधिमा उल्लेख छ ।

भदौ १५ भित्रको हिसाबमा लाभांश दिन बाटो खुला

बैङ्क तथा वित्तीय संस्थाले लाभांश घोषणा गर्ने प्रयोजनका लागि २०७८ भदौ १५ भित्रको नाफा–नोक्सान हिसाबलाई आधार लिई लाभांश स्वीकृति पाएका छन् । बैङ्क तथा वित्तीय संस्थाले गत भदौ १५ गतेसम्मको नाफा–नोक्सान हिसाबलाई आधार मानेर गत आर्थिक वर्षको लाभांश घोषणा गर्न पाउने भएका हुुन् । लाभांश घोषणा गर्ने प्रयोजनका लागि २०७८ भदौ १५ भित्रका र बाह्य लेखा परीक्षकद्वारा एडजस्टिङ इभेन्ट्स हो भनी प्रमाणित गरेका इभेन्ट्सलाई समायोजन...

मलेसियामा रोजगारी खुल्यो

कोरोना भाइरस महामारीका कारण लामो समयदेखि बन्द रहेको मलेसियाको रोजगारीमा नेपाली श्रमिक जान पाउने भएका छन् । मलेसियामा श्रमिकको अभाव भएपछि केही सङ्ख्यामा विदेशी श्रमिक लिने नीतिअनुुरूप नेपाली श्रमिक रोजगारीका लागि मलेसिया जान पाउने भएका हुन् ।

नेप्सेमा सामान्य सुधार, कारोबार रकम बढ्यो 

धितोपत्र बजारमा शेयर कारोबार मापक नेप्से परिसूचक आज झिनो अङ्कले बढेको छ । शेयर कारोबार हुने साताको अन्तिम दिन बिहिबार नेप्से परिसूचक २.७० अङ्कले बढेर दुई हजार ८१९.६५ मा पुगेको छ ।