बझाङमा थप ६ जनामा कोरोना पुष्टि

बझाङको खप्तडछान्ना गाउँपालिकामा–३ का छ जनामा कोरोना सङ्क्रमण पुष्टि भएको छ । वडा कार्यालय नजिकै रहेको मेल्तडी माविको क्वारेन्टाइनमा बसेका छ जनामा कोरोना पुष्टि भएसँगै जिल्लाभित्र सङ्क्रमितको सङ्ख्या सात पुगेको छ ।

नगरपालिकाले बनायो वाइफाइ, टेलिभिजन र बीमा सुविधासहितको क्वारेन्टाइन

निशुल्क वाइफाइ, टेलिभिजन, व्यायाम गर्ने प्रशस्त ठाउँ भएको मण्डनदेउपुर नगरपालिकाले सञ्चालन गरेको क्वारेन्टाइनमा २९ जना विदेश तथा कोरोना प्रभावित जिल्लाबाट आउनुभएका व्यक्तिहरु बसेर फर्किएका छन् । अहिले पनि आठ जना क्वारेन्टाइनमै रहेको मण्डनदेउपुर स्वास्थ्य शाखामा कार्यरत दीपक घिमिरेले जानकारी दिनुभयो ।

हवाई उडानमा नयाँ मापदण्ड: ज्वरो र खोकी लागेकालाई उड्न निषेध

सरकारले वायु सेवा उडानमा संलग्न कम्पनीका लागि नयाँ हवाई उडान मापदण्ड ल्याएको छ । उडानपूर्व वायु सेवा सञ्चालकले जहाजलाई अनिवार्य रूपमा डिस्इन्फेक्ट (निर्मलीकरण) गर्नुपर्ने भएको छ । नेपाल नागरिक उड्डयन प्राधिकरणले कोभिड १९ को समयमा यसको सङ्क्रमण रोक्नका लागि जारी गरेको नयाँ मापदण्डमा यस्तो व्यवस्थालाई अनिवार्य गरिएको छ ।

बाँके नरैनापुरका १२ जनाले कोरोना जितेर फर्किए 

शुक्रबार मात्रै नरैनापुर - २ का १२ जना पुरुषले कोरोनालाई जितेर घर फर्किएको स्वास्थ्य कार्यालय, बाँकेका कोराना फोकल पर्सन नरेश श्रेष्ठले बताउनुभयो । उहाँले नेपालगञ्जस्थित लायन्स डेन्टल आइसोलेसन अस्पतालमा रहेका नरैनापुरका २३ जना सङ्क्रमितमध्ये १२ जनाको रिपोर्ट दुई पटक नगेटिभ आएपछि उनीहरूलार्ई घर फर्काइएको बताउनुभयो ।

कोरोना भएको आशङ्कामा युगाण्डाका प्रधानमन्त्री ‘आइसोलेसन’मा

सामाजिक सञ्जाल ट्विटरमा उहाँले लेख्नुभएको छ, “साथीहरू म आफैँ आइसोलेसनमा बस्न थालेको छु, कोरोनाभाइरस परीक्षणका क्रममा मेरो रिपोर्ट ठीक आएको भएपनि मेरो सम्पर्कमा रहेको व्यक्तिमा सङ्क्रमण पुष्टि भएकोले स्वास्थ्य अधिकारीहरूको निर्णय र सुझाव अनुसार म आइसोलेसनमा बस्न लागेको हुँ ।”