विदेश जानेहरुका लागि यी चार अस्पतालमा जोन्सन एण्ड जोन्सन खोप दिइने

सरकारले विदेश जानेहरुका लागि कोभिड–१९ विरुद्धको जोनसन एण्ड जोनसन खोप लगाउन उपत्यका चार अस्पताल तोकेको छ । स्वास्थ्य तथा जनसङ्ख्या मन्त्रालयका अनुसार विदेश जानेहरुका तोकिएका अस्पतालहरु लागि वीरेन्द्र सैनिक अस्पताल, नेपाल प्रहरी अस्पताल, सशस्त्र प्रहरी अस्पताल र शहीद शुक्रराज ट्रपिकल तथा सरुवा रोग अस्पताल टेकु गरी चार रहेका छन् ।

सिन्धुपाल्चोकका विद्यार्थीलाई मोडर्ना खोप

सिन्धुपाल्चोकका १२–१७ उमेरका विद्यार्थीहरुलाई धमाधम कोरोनाविरुद्धको मोडर्ना खोप लगाउन थालिएको छ । विद्यार्थीहरु उत्साहपूर्ण रुपमा खोप लगाउन थालेका छन् ।स्वास्थ्य कार्यालयका वरिष्ठ जनस्वास्थ्य अधिकृत दुर्गादत्त चापागाईंले सिन्धुपाल्चोकका विभिन्न माध्यमिक विद्यालयमा अध्ययनरत २८ हजार ५२५ जना विद्यार्थीलाई खोप लगाउदै गरेको जानकारी दिनु भयो ।

थप २१३ जना सङ्क्रमण, दुईको मृत्यु

पछिल्लो २४ घण्टामा २१३ जना कोरोना भाइरसका सङ्क्रमित थपिएका छन् । सात हजार १८० जनामा आरटीपीसीआर परीक्षण गरिएकोमा २१३ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

ओमिक्रोन सङ्क्रमण : स्वास्थ्य मापदण्ड तय गर्न मन्त्रालयका प्रतिनिधिको बैठक

कोरोना भाइरसको सङ्क्रमण फैलिदै गएसँगै नेपालमा थप स्वास्थ्य मापदण्ड तय गर्न मन्त्रालयका प्रतिनिधिको बैठक सिंहदरबारमा सुरु भएको छ । नेपाल पर्यटन बोर्डका अध्यक्ष एवं संस्कृति, पर्यटन तथा नागरिक उडड्यन मन्त्रालयका सचिव महेश्वर न्यौपानेको संयोजकत्वमा बैठक सुरु भएको भएको नेपाल पर्यटन बोर्डका कार्यवहाक कार्यकारी प्रमुख नन्दिनी थापाले जानकारी दिनुभयो ।

कोरोना महामारी : अनिच्छुक गर्भधारण बढ्यो र सुरक्षित गर्भपतन घट्यो

कोरोना महामारीको प्रभाव जारी रहँदा यौन तथा प्रजनन स्वास्थ्य सेवामा थप असर पुर्‍याउँदै गएको छ । विशेषगरी मातृ तथा बाल मृत्युदर घटाउने सरकारी लक्ष्य पूरा गर्न चुनौती थपिदिएको छ भने महामारी लम्बिएसँगै परिवार नियोजनका साधनका पहुँचको कमीले अनिच्छुक गर्भधारण बढेको र सुरक्षित गर्भपतन घटेको बताइएको छ । स्वास्थ्य सेवा विभाग परिवार कल्याण महाशाखाका अनुसार महामारीमा परिवार नियोजनको सेवाको प्रयोगदर ३९ बाट ३७ प्रतिशतमा...