सोलुखुम्बुमा ५१ हजार बढीले लगाए खोपको पूर्ण मात्रा

पछिल्लो चरणको खोप लगाइसक्दा सोलुखुम्बुमा कोरोनाविरुद्धको खोपको पूर्ण मात्रा लगाउनेको संख्या ५१ हजार नाघेको छ । जिल्लामा विभिन्न चरणमा सञ्चालन भएको खोप अभियानमा १८ वर्ष माथिका ५१ हजार १८७ जनालाई कोरोनाविरुद्धको खोपको पूर्ण मात्रा लगाइएको स्वास्थ्य कार्यालयले जनाएको छ ।

उपत्यकामा कोरोनाविरुद्धको पहिलो मात्रा खोप लगाइँदै

उपत्यकाका १८ वर्षमाथिका सबै नागरिकलाई कोरोनाविरुद्धको पहिलो खोप लगाइँदै छ । स्वास्थ्य तथा जनसंख्या मन्त्रालयले काठमाडौं, ललितपुर र भक्तपुरमा १८ वर्षमाथिका सबै नागरिकलाई कोभिशिल्ड, भेरोसेल र एस्ट्राजेनेकाकोे खोप लगाउन लागेको हो ।

६० वर्षमाथिका भेरोसेल लगाएका ज्येष्ठ नागरिकलाई ‘बुस्टर डोज’ दिइने

स्वास्थ्य तथा जनसङ्ख्या मन्त्रालयले कोरोना भाइरस विरुद्धको खोप लगाएका व्यक्तिलाई खोपको थप मात्रा ‘बुस्टर डोज’ दिने भएको छ । राष्ट्रिय खोप सल्लाहाकार समितिको सिफारिसका आधारमा ६० वर्षभन्दा माथिका भेरोसेलको दुई मात्रा लगाएका ज्येष्ठ नागरिकलाई बुस्टर डोज दिइने भएको हो ।

ओमिक्रोन पुष्टि भएका दुई जनाको रिपोर्ट नेगेटिभ

नेपालमा कोरोना भाइरसको नयाँ भेरियन्ट ओमिक्रोन पुष्टि भएका दुई जना व्यक्तिको पीसीआर रिपार्ट नेगेटिभ आएको छ। मंगलबार गरेको पीसीआर परीक्षणमा दुवै जनाको रिपार्ट नेगेटिभ आएको स्वास्थ्य तथा जनसंख्या मन्त्रालयलका सहप्रवक्ता डा. समिरकुमार अधिकारीले जानकारी दिनुभयो ।

२५५ जनामा सङ्क्रमण पुष्टि, दुईको मृत्यु

पछिल्लो २४ घण्टामा २५५ जना कोरोना भाइरसका सङ्क्रमित थपिएका छन् । नौ हजार १६८ जनामा आरटीपीसीआर परीक्षण गरिएकोमा २५५ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । त्यस्तै, तीन हजार छ जनामा एन्टीजेन परीक्षण गरिएकोमा २५ जनामा कोरोना सङ्क्रमण देखिएको छ । स्वास्थ्य मन्त्रालयले नेपालमा कोरोना सङ्क्रमणमुक्त हुने दर ९७.८ प्रतिशत रहेको जनाएको छ ।