२४ घण्टामा ५९ जनामा कोरोना पुष्टि : मृत्यु शून्य

पछिल्लो २४ घण्टामा थप ५९ जनामा कोरोना संक्रमण पुष्टि भएको छ । स्वास्थ्य तथा जनसङ्ख्या मन्त्रालयकी प्रवक्ता सङ्गीता मिश्रका अनुसार २४ घण्टामा ६ हजार ३०६ जनाको पीसीआर परीक्षण गर्दा ५९ जनामा संक्रमण पुष्टि भएको हो । त्यसैगरी १६ सय ४१ जनाको एन्टीजेन परीक्षण गर्दा ६ जनामा संक्रमण पुष्टि भएको छ । आइतबार पीसीआर र एन्टीजेन परीक्षणबाट ६५ जनामा संक्रमण पुष्टि भएको प्रवक्ता मिश्रले जानकारी दिनुभयो ।

उपत्यकामा सहज, स्थानीय तहमा प्रविधि छैन, जोखिम निम्तिने खतरा

झण्डै दुई वर्षपछि नेपाल कोरोना भाइरस महामारीबाट तङ्ग्रिने बाटोमा छ । कोरोनाका कारण आतङ्कित जनजीवन सामान्य अवस्थामा फर्किदैछ । कोरोनाको पहिलो र दोस्रो लहरबाट निकै प्रभावित नेपालमा तेस्रो लहरले तुलनात्मक रुपमा कम असर गरेको तथ्याङ्कबाट देखिन्छ । दैनिक सङ्क्रमितको सङ्ख्या अत्यधिक भएपनि मानवीय क्षति भने दोस्रो लहरभन्दा कम भएको पाइन्छ ।

जीवनशैलीले बढ्दै ढाडको समस्या

ढाड दुख्नु आम सर्वसाधारणको समस्या बनेको छ। नेपालीको दैनिकीसँगै ढाड दुख्ने समस्या बढेको देखिन्छ। पछिल्लो समय नेपालीको दैनिकी फेरिएसँगै ढाड दुख्ने समस्या बढ्दै गएको देखिन्छ। यो समस्या नेपालीको मात्र होइन। तर, पछिल्लो समय नेपालमा पनि ढाड दुख्ने समस्या बढी नै देखिन थालेको छ। लगभग ८० प्रतिशत वयस्कले आफ्नो जीवनकालमा कम्तिमा एकपल्ट ढाडको तल्लो भाग दुख्ने समस्याको सामना गरिरहेको अध्ययनले देखाएको छ।

थप ३० जनामा सङ्क्रमण, मृत्यु शून्य

दुई हजार २३८ जनाको पीसीआर परीक्षण गर्दा ३० जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । सोही अवधिमा दुई हजार ८२४ जनाको एन्टिजेन परीक्षण गर्दा ४३ जनामा सङ्क्रमण पुष्टि भएको छ ।

बर्डफ्लु भेटिएपछि सीमानाका साँगामा उच्च सतर्कता

छिमेकी जिल्ला भक्तपुरको सूर्यविनायक नगरपाकिला–१० स्थित एक पोल्ट्री फार्ममा आज बर्डफ्लु भेटिएपछि काभ्रेपलाञ्चोकको सीमानाका साँगामा उच्च सतर्कता अपनाइएको छ । उपत्यकाको पूर्वी नाकाका रुपमा रहेको साँगामा २४ सै घण्टा पशुपक्षीलगायत वस्तु आयात–निर्यातमा सतर्कता अपनाउँदै परीक्षण थालिएको जिल्ला प्रशासन कार्यालयले जनाएको छ ।