सिन्धुलीमाढीको कोभिड अस्पताल पुनःसञ्चालनमा

बजेट अभावमा दुई महिनादेखि बन्द अवस्थामा रहेको सिन्धुली जिल्लाको सदरमुकाम सिन्धुलीमाढीस्थित कोभिड अस्पताल पुनः सञ्चालनमा आएको छ ।

अग्रपङ्क्तिमा खटिनेलाई कोभिडविरुद्धको बुस्टरडोज आजबाट

सरकारले आजदेखि अग्रपंक्तिमा खटिने फ्रन्टलाइनरलाई कोभिडविरुद्धको थप एक बुस्टरडोज दिने निर्णय गरेको छ। स्वास्थ्य तथा जनसंख्या मन्त्रालयले कोरोना भाइरसविरुद्धको पूर्ण खोप लगाएको ६ महिना पूरा भएका व्यक्तिलाई बुस्टर डोज दिने निर्णय गरेको हो।

उपत्यकामा एकै दिन थपिए २४ सय १९ संक्रमित

उपत्यकामा पछिल्लो २४ घण्टामा दुई हजार ४१९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयको तथ्याङ्क अनुसार पीसीआर र एन्टिजेन परीक्षणबाट उपत्यकामा २ हजार ४१९ जनामा कोरोना पुष्टि भएको हो । मन्त्रालयको तथ्याङ्क हेर्दा काठमाडौं उपत्यकामा मात्रै ५२.१७ प्रतिशत संक्रमित पुष्टि भएका छन् । मन्त्रालयका अनुसार २४ घण्टामा काठमाडौँमा १५९१ , भक्तपुरमा १४२,ललितपुरमा ६८६ जनामा संक्रमण पुष्टि भएको छ।

२४ घण्टामा थपिए तीन हजार सात सय संक्रमित : चार जनाको मृत्यु

पछिल्लो २४ घण्टामा नेपालमा ३७ सय ३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ४१२ जनाको पीसीआर परीक्षण गर्दा ३७ सय ३ जनामा संक्रमण पुष्टि भएको हो । त्यसैगरी ४१ सय ४४ जनाको एन्टीजेन परीक्षण गर्दा ९३३ जनामा संक्रमण पुष्टि भएको मन्त्रालयले जनाएको छ । शनिबार पीसीआर र एन्टीजेन गरेर १४ हजार ५५६ जनाको परीक्षण गर्दा चार हजार ६३६ जनामा संक्रमण पुष्टि भएको हो ।

आइतबारदेखि कोरोनाविरुद्ध बुस्टर मात्राको खोप दिइने

सरकारले आइतबारदेखि कोरोना भाइरसविरुद्धको ‘बुस्टर’ मात्रा खोप दिने भएको छ । अग्रपङ्क्तिमा काम गर्ने व्यक्तिलाई माघ २ गतेदेखि र ६० वर्षभन्दा माथिका सबै ज्येष्ठ नागरिक र खोपको पूर्ण मात्रा लगाएको ६ महिना पूरा भएका व्यक्तिलाई माघ १४ गतेदेखि ‘बुस्टर’ मात्राको खोप दिइने स्वास्थ्य तथा जनसङ्ख्या मन्त्रालयले जनाएको छ ।