निर्वाचन आयोगको जोड सम्पूर्ण नेपाली नागरिकलाई पूर्ण खोप

निर्वाचन आयोगले आगामी वैशाख १० गतेसम्म सबै नेपाली नागरिकलाई कोरोनाविरुद्धकोे पूर्ण खोप लगाउने व्यवस्था गर्न सरकारलाई आग्रह गरेको थियो । खोप लगाएकाहरुलाई कोरोना सङ्क्रमणको जोखिम कम हुने भन्दै आयोगले आगामी वैशाख १० गतेसम्म सबै नेपाली नागरिकलाई कोभिड १९ विरुद्धको पूर्ण खोप लगाउने व्यवस्था गर्न सरकालाई गत फागुन १६ गते लिखित रुपमा आग्रह गरेको थियो ।

आचारसंहितामा कडाइ

स्थानीय तह निर्वाचन आचारसंहिता कार्यान्वयनमा शङ्का व्यक्त भइरहँदा उल्लङ्घनसँग सम्बन्धित गतिविधिमा आयोगले सक्रियता देखाएको छ । आयोगले आचारसंहिता लागू गरिसकेको भए पनि अनुगमन गर्ने उसको आफ्नै संयन्त्र भने अझै गठन भइसकेको छैन । यद्यपि, आयोगले एक राजनीतिक दल र एक सांसदलाई आचारसंहिता उल्लङ्घनसँग सम्बन्धित गतिविधिमा जवाफ मागेको छ ।

आजदेखि मेलम्ची पुनः सञ्चालन

मेलम्चीको खानेपानी आयोजनाबाट काठमाडौँ उपत्यकामा मङ्गलबारदेखि पुनः पानी पठाइने भएको छ । मङ्गलबार बिहान सिन्धुपाल्चोकस्थित मेलम्ची आयोजनाको मुख्य द्वार ३८ नम्बरको ढोका खोली सुरुङमा पानी पठाएर आयोजना पुनः सञ्चालन गरिने आयोजनाले जनाएको छ ।

स्वास्थ्य अनुसन्धानको महत्त्व विशिष्ट : प्रम

प्रधानमन्त्री शेरबहादुर देउवाले स्वास्थ्य क्षेत्रमा अनुसन्धानको महत्त्व विशिष्ट रहेको बताउनुभएको छ । नेपाल स्वास्थ्य अनुसन्धान परिषद्को आयोजनामा भएको स्वास्थ्य तथा जनसङ्ख्या वैज्ञानिकहरूको आठौँ शिखर सम्मेलनलाई सोमबार शुभकामना सन्देश पठाउनुहुँदै उहाँले कोभिड महामारीले पनि स्वास्थ्य क्षेत्रमा अनुसन्धानको महत्त्व छ भन्ने विषय उजागर गरेको स्पष्ट पार्नुभयो ।

बाँचे चुर्लुम्म ऋण, मरे आफन्तलाई सास्ती

आर्थिक समस्या र त्यसमाथि गाउँसम्म सडक सञ्जाल नपुग्दा उत्तरी गोरखाको चुमनुब्री गाउँपालिका–३ फिलिमकी उमा गुरुङको उपचारक्रममा यही चैत २४ गते काठमाडौँमा मृत्यु भयो । शव गाउँमै लगेर अन्तिम संस्कार गर्ने निर्णय परिवारका सदस्यले गरे । तर, काठमाडौँबाट गाउँमा शव लैजान आफन्तलाई धौ–धौ प-यो ।