निलम्बित प्रधानन्यायाधीशविरुद्ध महाअभियोग पारित गर्न माग

मानव अधिकार तथा शान्ति समाजले निलम्बित प्रधान न्यायधीश चोलेन्द्रशम्शेर राणाविरुद्ध संसदमा दर्ता भएको महाअभियोग प्रस्ताव पारित गरी कानुनी कारबाही अघि बढाउन माग गरेको छ । समाजको चौबिसौँ बैठकले यस्तो माग गरेको अध्यक्ष गोविन्द खनालले आज जारी गर्नुभएको वक्तव्यमा उल्लेख छ । कपिलवस्तुको वाणगङ्गामा फागुन २७ र २८ गते सम्पन्न बैठकमा विभिन्न जिल्लाबाट आएका दुई सयभन्दा बढी अधिकारकर्मी सहभागी थिए ।

जलवायु परिवर्तनबाट उत्पन्न जोखिम न्यूनीकरण गर्न पहल गरौँ : मन्त्री भुसाल

ऊर्जा, जलस्रोत तथा सिँचाइमन्त्री पम्फा भुसालले पछिल्ला घटनाक्रमले जलवायु परिवर्तनको जोखिम बढाउँदै लगेको बताउनुभएको छ । यहाँ आज आयोजित ‘जलविद्युत् परियोजनामा बाढी पूर्व सूचनाप्रणालीको व्यवस्था तथा स्थानीय निकायसँगको सहकार्य र समन्वय’सम्बन्धी कार्यक्रममा उहाँले जलवायु परिवर्तनका कारण उत्पन्न जोखिमको उचित व्यवस्थापन नेपालका लागि चुनौती बन्दै गएको उल्लेख गर्नुभयो ।

सबै राजनीतिक दलले एउटै मञ्चबाट मत माग्ने वातावरण बनाऔँ : अध्यक्ष तिमिल्सिना

राष्ट्रियसभाका अध्यक्ष गणेशप्रसाद तिमिल्सिनाले निर्वाचनको समयमा सबै राजनीतिक दलहरुले एउटै मञ्चबाट मत माग्ने वातावरण सिर्जना गर्नुपर्ने बताउनुभएको छ । निर्वाचनका समयमा दलहरुले गर्ने कार्यक्रममा हुने खर्च कम गर्न र विकासका काममा सझा धारणा बनाउन सबै दलले एउटै मञ्चबाट आफ्ना धारणा राखेर मत माग्ने वातावरण सिर्जना गर्नुपर्ने उहाँले बताउनुभयो । निर्वाचनको समयमा मात्रै दलहरु सक्रिय हुने गरेको भन्दै उहाँले सधैँ जनता...

तनहुँ दुर्घटना : शोकमा डुब्यो ढोरफिर्दी गाउँ

दुर्घनामा एकै गाउँका तीन जनाको मृत्यु भएपछि तनहुँको शुक्लागण्डकी नगरपालिका–८ को ढोरफिर्दी शोकमा डुबेको छ । पृथ्वीराज मार्गअन्तर्गत तनहुँको आँबुखैरेनी गाउँपालिका–२ ऐनापहरामा आइतबार दिउँसो बस र टाटासुमो जीप एकआपसमा ठोक्किँदा साविक ढोरफिर्दी गाविसका अध्यक्षसहित तीन जनाको मृत्यु भएपछि ढोरफिर्दी शोकमा डुबेको हो ।

गोरखापत्रलाई सुविधा सम्पन्न बनाउन मन्त्रालयको ध्यानाकर्षण

सञ्चार तथा सूचना प्रविधिमन्त्री ज्ञानेन्द्रबहादुर कार्कीले कोहलपुरमा स्थापना भएको गोरखापत्र संस्थानको छापाखाना र नेपाल टेलिभिजनको क्षेत्रीय प्रसारण केन्द्रको निरीक्षण गर्नुभएको छ । मन्त्री कार्कीले आइतबार कोहलपुरको मैटहवामा सञ्चालनमा रहेको गोरखापत्रको छापाखानाको स्थलगत निरीक्षण गर्नुहुँदै छापाखानालगायत निर्माणाधीन अन्य भवनबारे विस्तृत जानकारी लिनुभयो ।