साउदी राजकुमार आज आउनुहुँदै

साउदी अरेबियाका राजकुमार तथा विदेशमन्त्री फैजल अल बिन फरहान अल साउद सोमबार नेपाल भ्रमणमा आउँदै हुनुहुन्छ । परराष्ट्र मन्त्रालयले दिएको जानकारीअनुसार राजकुमार फैजल दुई दिने भ्रमणका क्रममा नेपाल आउन लाग्नुभएको हो ।

काँग्रेसका लागि स्थानीय निर्वाचन परीक्षण हो : प्रवक्ता महत

नेपाली काँग्रेसका प्रवक्ता प्रकाशशरण महतले संघ तथा प्रदेशको नतिजा आगामी स्थानीय निर्वाचनबाट निर्धारण हुने बताउनुभएको छ । “घर–घर जाउँ नेपाली काँग्रेस जिताऔं” अभियानको शुभारम्भ कार्यक्रममा काभ्रेको बनेपामा आयोजित कार्यक्रममा बोल्नुहुँदै उहाँले काँग्रेसका लागि स्थानीय निर्वाचन अन्य चुनावको लागि परीक्षण हुने बताउनुभयो ।

एमसीसी परियोजना समयमै सम्पन्न गरिनेछ : मन्त्री कार्की

सञ्चार तथा सूचना प्रविधिमन्त्री ज्ञानेन्द्रबहादुर कार्कीले एमसीसी परियोजनालाई निर्धारित समयमै सम्पन्न गर्नुपर्नेमा विशेष जोड दिनुभएको छ । उहाँले यो परियोजनालाई समयमै पुरा गर्न सकियो भने दातृ राष्ट र निकायको ध्यान नेपालतर्फ केन्द्रित हुने र विकासका धेरै परियोजना भित्रिन सक्ने बताउनुभयो ।

माधव नेपालसहित १४ सांसदविरुद्ध दायर रिट पूर्ण सुनुवाइमा पठाउन आदेश

प्रमुख प्रतिपक्षी दल नेकपा (एमाले) ले माधव नेपालसहित १४ सांसदविरुद्ध दायर गरेको रिटलाई सर्वोच्च अदालतले पूर्ण सुनुवाइका लागि पठाउन आदेश गरेको छ । एमाले अध्यक्ष केपी शर्मा ओलीले पार्टीको विधि, विधान विपरित काम गरेको भन्दै १४ जना सांसदमाथि कारबाहीकाे माग सहित सर्वोच्चमा मुद्दा दायर गर्नुभएको थियो ।

द्वन्द्वका बेला छोडिएका बम भेटिन्छन् अहिले पनि रुकुममा

बाख्रा चराउन घर नजिकैको जङ्गल पुगेका रुकुम पूर्वको सिस्ने गाउँपालिका वडा नम्वर २ का गणेश केसीले बुर्केसल्ला भन्ने स्थानमा एउटा कालो ड्रम भेटाउनुभयो । सँगैका साथीहरुलाई बोलाएर ड्रम हेर्न खोजेका गणेशले शंकास्पद वस्तुको पोको देखेपछि डराएर नजिकैको वडा कार्यालयमा खबर गर्नुभयो । वडा कार्यालयबाट वडा अध्यक्ष जीवन केसीसहितको एक टोली गएर हेर्दा बम जस्तो बस्तु देखेर शंका लागेपछि नजिकैको इलाका प्रहरी कार्यालयलाई खबर गर्नुभयो...