भिजिट भिसाले निम्त्याएको समस्या बुझ्न गृह मन्त्रालयले बनायो समिति

पाली युवा भिजिट भिसा प्रयोग गरेर खाडी मुलुक पुगेपछि भइरहेको समस्याको विश्लेषण गर्दै गृह मन्त्रालयले अध्ययनका लागि समिति बनाएको छ। मंगलबार गृहमन्त्री बालकृष्ण खाणको अध्यक्षमा सम्बन्धित मन्त्रालयका मन्त्री र सचिवको उपस्थितिमा बसेको बैठकले गृहसचिव फणिन्द्रमणि पोखरेलको अध्यक्षतामा समिति बनाएको हो।

राष्ट्रियसभा निर्वाचन : मधेस प्रदेशमा माओवादीकी उर्मिला अर्याल विजयी

राष्ट्रियसभा निर्वाचन अन्तर्गत प्रदेश २ मा नेकपा (माओवादी केन्द्र)की उम्मेदवार उर्मिला अर्याल विजयी हुनुभएको छ। अर्यालले ६ हजार १७० मतभारसहित विजयी हुनुभएको हो। अर्यालले लोकतान्त्रिक समाजवादी पार्टीकी रुपाकुमारी यादवलाई पराजित गर्नुभएको हो। यादवले दुई हजार ७५४ मत मात्र प्राप्त गर्नुभएको छ।

राष्ट्रियसभा निर्वाचन : गण्डकीमा सत्ता गठबन्धन विजयी

राष्ट्रियसभा निर्वाचनमा गण्डकी प्रदेशमा सत्ता गठबन्धन विजयी भएको छ । निर्वाचनमा सत्ता गठबन्धनबाट महिलातर्फ नेपाली कांग्रेसका कमला पन्त विजयी हुनुभएको हो । पन्त तीन हजार ८४ मत ल्याएर विजयी हुनुभएको हो । नेकपा एमालेका लीला पोखरेल थनेतलाई दुई हजार सात सय २४ मत ल्याएर पराजित हुनुभयो ।

बाबुराम भट्टराईलाई कोरोना संक्रमण

पूर्वप्रधानमन्त्री डा. बाबुराम भट्टराईलाई कोरोना संक्रमण पुष्टि भएको छ । सामान्य लक्षण देखिएको भट्टराईले बताउनुभएको छ । आफूलाई पुनः संक्रमण देखिएको भन्दै बाबुरामले ट्वीटरमार्फत् निकट सम्पर्कमा रहेका सबैलाई सतर्क रहन भन्नुभएको छ ।

राष्ट्रियसभा निर्वाचन : लुम्बिनीमा गठबन्धन विजयी

लुम्बिनी प्रदेशको दाङमा सम्पन्न राष्ट्रियसभा सदस्य निर्वाचनमा गठबन्धनका उम्मेदवार विजयी भएका छन् । निर्वाचनमा गठबन्धनको तर्फबाट नेपाली काँग्रेसका नेता युवराज शर्माले ४ हजार ३४४, नेकपा (एकीकृत समाजवादी) बाट महिलामा राजेन्द्रलक्ष्मी गैरेले ४ हजार ३७४ र जनमोर्चाको तर्फबाट दलित उम्मेद्वार तुलप्रसाद विश्वकर्माले ४ हजार ३५६ भोट ल्याएर बिजयी हुनुभएको निर्वाचन अधिकृत रितेन्द्र थापाले जानकारी गराउनुभयो ।