प्रधानमन्त्री देउवालाई कल्याण गुरुङको समर्थन

प्रधानमन्त्री शेरबहादुर देउवालाई नेपाली काँग्रेसका अर्का उम्मेदवार डा. कल्याण गुरुङले पनि समर्थन जनाउनुभएको छ । काँग्रेस १४ औँ केन्द्रीय महाधिवेनमा सबैभन्दा बढी मत ल्याउनुभएको देउवाको पक्षमा समर्थन रहेको गोरखापत्र अनलाइनसँग गुरुङले बताउनुभयो ।

प्रतिनिधिसभा कार्यव्यवस्था परामर्श समितिकाे बैठक सुरु

प्रतिनिधि सभाको कार्यव्यवस्था परामर्श समितिकाे बैठक सुरु भएको छ । सभामुख अग्निप्रसाद सापकोटाका प्रेस सल्लाहकार श्रीधर न्यौपानेका अनुसार भर्खरै बैठक सुरु भएको हो । राष्ट्रपति विद्यादेवी भण्डारीले मङ्सिर १६ गते मङ्सिर २८ गतेका लागि सङ्घीय संसदको दुवै सदनको अधिवेशन आह्वान गर्नुभएको थियो । सोही अनुसार दिउँसो २ बजे बस्ने बैठक अघि कार्यव्यवस्था समिति बैठक बसेको हो ।

सभापतिमा दोस्रो चरणको मतदान दिउँसो ३:३० देखि साँझ ७:३० सम्म

नेपाली काँग्रेसको १४ औं केन्द्रीय महाधिवेशन अन्तर्गत सभापति पदका लागि दोस्रो चरणको मतदान मंगलबार दिउँसो ३:३० बजे सुरु हुने जनाइएको छ । काँग्रेस केन्द्रीय निर्वाचन समितिले एक विज्ञप्ति जारी गरी काँग्रेस सभापतिमा दोस्रो चरणको मतदान काठमाडौंको राष्ट्रिय सभागृहमा आज दिउँसो ३:३० देखि साँझ ७:३० सम्म हुने जनाएको हो । काँग्रेसको पार्टी विधान अनुसार पहिलो चरणमा कुनै पनि सभापतिका उम्मेदवारहरुले ५० प्रतिशतभन्दा बढी मत...

४३७९ मत गणना : देउवालाई २०९५, कोइराला लाई १६४५ मत प्राप्त

नेपाली कांग्रेसको १४औं महाधिवेशनको पदाधिकारी चयनका लागि भएको सभापति पदका उम्मेदवारको जारी मतगणनामा शेरबहादुर देउवाको अग्रता कायमै छ । पछिल्लो विवरण अनुसार जम्मा चार्र हजार ३७९ मतगणनामा शेरबहादुर देउवा २०४६, शेखर कोइराला १६१५ मत प्राप्त भएको छ ।

चार हजार मत गणना : देउवालाई १९००, कोइराला लाई १४६७ मत प्राप्त

नेपाली कांग्रेसको १४औं महाधिवेशनको पदाधिकारी चयनका लागि भएको सभापति पदका उम्मेदवारको जारी मतगणनामा शेरबहादुर देउवाको अग्रता कायमै छ । पछिल्लो विवरण अनुसार जम्मा चार् हजार मतगणनामा शेरबहादुर देउवा १९००, शेखर कोइराला १४६७ मत प्राप्त भएको छ ।