बलात्कार आरोपित एमाले सांसद बानियाँ निलम्बित

बलात्कार आरोपमा पक्राउ परेका नेकपा (एमाले)का सांसद मोहन बानियाँको पद निलम्बनमा परेको छ ।आइतबार बसेको प्रतिनिधिसभा बैठकमा सभामुख अग्निप्रसाद सापकोटाले बानियाँको सांसद पद निलम्बनमा परेको जानकारी गराउनुभएको हो । बलात्कारसम्बन्धी अभियोगमा जिल्ला प्रहरी कार्यालय, बाँकेको अनुन्धानमा रहेका सांसद बानियाँको पद निलम्बित भएको सभामुख सापकोटाले जानकारी गराउनुभएको हो ।

युवकको मृत्युपछि सुर्खेतमा आफन्तको प्रदर्शन

सुर्खेतमा प्रहरीको कुटपिटबाट कालीकोटका कृष्ण हमालको मृत्यु भएको भन्दै आफन्त आन्दोलित भएका छन्। शुक्रबार साँझ नेपालगञ्जबाट सुर्खेत आउँदै गर्दा वीरेन्द्रनगरमा रहेको सुब्बाकुना प्रहरी चेकपोष्टमा मादक पदार्थ सेवन गरेको भन्दै प्रहरीले कुटपिट गरेको थियो। प्रहरीको कुटपिटका कारण हमालको मृत्यु भएको आफन्तले आरोप लगाएका छन्।

पार्टीमा कुनै तिक्तता छैन : डा. कोइराला

नेपाली कांग्रेसका केन्द्रीय सदस्य डा. शेखर कोइरालाले नेपाली कांग्रेसको १४औँ महाधिवेशनपछि पार्टीमा कुनै तिक्तता नरहेको बताउनुभएको छ। नेपाली कांग्रेस विराटनगर महानगरपालिका कार्यसमितिद्वारा आयोजित वर्तमान अवस्थामा नेपाली कांग्रेसको भूमिका विषयक बृहत् सभालाई सम्बोधन गर्दै यस्तो बताउनुभएको हो। ‘नेपाली कांग्रेस प्रतिपक्षमा रहँदा एउटा कुरा र सत्तामा जाँदा अर्को कुरा गर्ने पार्टी होइन’,उहाँले भन्नुभयो, ‘कठिन...

प्रदेश १ को नाम ‘कोसी’ राखौँ : अध्यक्ष ओली

पूर्वप्रधानमन्त्री एवं नेकपा (एमाले)का अध्यक्ष केपी ओलीले १ नम्बर प्रदेशको नाम ‘कोसी’ राख्नु पर्ने धारणा सार्वजनिक गर्नुभएको छ। गृह जिल्ला झापामा शनिबार प्रेस चौतारीको प्रदेश अधिवेशन उद्घाटन समारोहमा यस्तो बताउनु भएको हो।

संसद्को कार्यसूची सार्वजनिक

आइतबार बस्ने प्रतिनिधिसभा बैठकको सम्भावित कार्यसूची सार्वजनिक भएको छ। संघीय संसदका महासचिव डा. भरतराज गौतमले सम्भावित कार्यसूची सार्वजनिक गर्नुभएको हो। सम्भावित कार्यसूचीमा वार्षिक प्रतिवेदन पेश गर्ने उल्लेख गरिएको छ। कार्यसूचीमा प्रधानमन्त्री शेरबहादुर देउवाले ‘अख्तियार दुरुपयोग अनुसन्धान आयोगको ३१ औं वार्षिक प्रतिवेदन पेश गर्नुहुने उल्लेख छ।