एमसीसीमा सबै दलको समर्थन हुने प्रधानमन्त्री देउवाको विश्वास

प्रधानमन्त्री एवं नेपाली काँग्रेसका सभापति शेरबहादुर देउवाले अमेरिकी सहयोग मिलेनियम च्यालेन्ज कर्पोरेसन (एमसिसी) का पक्षमा सबै राजनीतिक दल एक ठाउँमा उभिएर संसद्‍बाट अनुमोदन हुने विश्वास व्यक्त गर्नुभएको छ। कांग्रेस संसदीय दलको बैठकमा बोल्दै उहाँले यस्तो विश्वास व्यक्त गर्नुभएको हो। उहाँले कांग्रेससँगै सबै दलको सहयोगमा एमसिसी अनुमोदन हुने विश्वास व्यक्त गर्नुभएको कांग्रेस महामन्त्री गगनकुमार थापाले जानकारी...

एकीकृत समाजवादीको स्थायी कमिटी बैठक फागुन ७ गते बस्‍ने

सत्ता साझेदार दल नेकपा (एकीकृत समाजवादी)को स्थायी कमिटी बैठक फागुन ७ गते बस्दैछ। स्थानीय तहको चुनाव, अमेरिकी आर्थिक सहायता मिलिनियम च्यालेन्ज कर्पोरेशन (एमसीसी) सम्झौता लगायतका विषयमा छलफल गर्न स्थायी कमिटी बैठक बस्न लागेको हो। एकीकृत समाजवादीका उपमहासचिव एवम् प्रचार विभाग प्रमुख जगन्नाथ खतिवडाका अनुसार बैठकमा राजनीतिक र समसामयिक विषयमा छलफल हुनेछ।

प्रधानमन्त्री देउवा, प्रचण्ड र नेपालबीच महाअभियोग प्रस्तावबारे छलफल

सत्ता गठबन्धनका तीन शीर्ष नेताबीच प्रधानन्यायाधीशविरुद्धको महाअभियोग प्रस्तावबारे छलफल भएको छ। प्रधानमन्त्रीको सरकारी निवास बालुवाटारमा मंगलबार बिहान प्रधानमन्त्री शेरबहादुर देउवा, नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र एकीकृत समाजवादीका अध्यक्ष माधवकुमार नेपालबीच छलफल भएको हो।

मधेस प्रदेशको चार वर्षे उपलब्धि : ४४ वटा ऐन बने

मधेस प्रदेश सरकारका मुख्यमन्त्री लालबाबु राउतले प्रदेश सरकारको चौंथो वार्षिक उत्सवको अवसरमा पत्रकार सम्मेलन गर्नुभएको छ। जनकपुरधामस्थित मधेस भवनमा पत्रकार सम्मेलन गर्दै मधेस प्रदेश सरकारको चौंथो वार्षिकोत्सव समारोहमा मुख्यमन्त्री राउतले प्रदेश सरकारको चार वर्षको उपलब्धि बारे धारणा राख्नु भएको हो।

गाउँपालिकाका अध्यक्षहरु एमालेमा प्रवेश

रुपन्देहीका दुई गाउँपालिकाका अध्यक्ष नेकपा (एमाले) मा प्रवेश गर्नुभएको छ । सोमबार एक समारोहकाबीच एमाले उपाध्यक्ष विष्णु पौडेलले गाउँपालिकाका अध्यक्षद्वयलाई पार्टीमा स्वागत गर्नुभयो ।