बैतडीमा भारतबाट आएकामध्ये ६३ जनामा सङ्क्रमण पुष्टि

शुक्रबार बैतडीमा थप ६३ जनामा कोरोना सङ्क्रमण पुष्टि भएको छ । असार १ गतेदेखि थपिँदै गएका कोरोना सङ्क्रमितको सङ्ख्या पाँच दिनमै ११५ पुगेको छ । बैतडीबाट पीसीआर परीक्षण गर्न पठाएकाहरूको परीक्षण नतिजा आउन थालेपछि असार १ गतेदेखि ५ गतेसम्म कोरोना सङक्रमण पुष्टि हुने दर बढेको हो । बैतडीबाट पीसीआर परीक्षणका लागि चार सयभन्दा बढी स्वाब पठाइएकोमा पछिल्लो समय परीक्षणको दायरा बढेपछि सङ्क्रमण पुष्टि हुने दर बढेको छ ।

रुकुम घटना : संसदीय समितिद्वारा सरोकार पक्षसँग छलफल

रुकुम –पश्चिम)को चौरजहारी नगरपालिका–८, सोतीमा भएको घटनाको छानबिनका लागि सरकारले गठन गरेको संसदीय समितिले जिल्लाका सरोकार पक्षसँग भेटघाट तथा छलफल गरेको छ । घटनाको छानबिनका लागि सदरमुकाम मुसीकोट पुगेको टोलीले जिल्लाका राजनीतिक दल, अधिकारकर्मी, पत्रकारलगायतसँग बिहीबार छलफल गरेको हो ।

बाजुरामा थप ४१ जनामा कोरोना पुष्टि

बाजुराको बडिमालिका नगरपालिकाको मालिका मावि, बाजुरा क्पाम्पस र जिल्ला स्वास्थ्य कार्यालयको क्वारेन्टाइनमा बस्दैआएका ४१ जनामा कोरोना पुष्टि भएको छ । जिल्लाको विभिन्न क्वारेन्टाइनमा रहेका आरडीटी पोजिटिभ, कोभिड १९ का शङ्कास्पद बिरामी तथा पीसीआर र आरडीटी पोजिटिभको सम्पर्कमा आएका व्यक्तिहरूको गत जेठ २२ र ३१ गते स्वाब सङ्कलन गरी परीक्षणका लागि धनगढी प्रयोगशालामा पठाएको थियो ।

कारागारबाट फरार चौकीदार पक्राउ

बेँसीशहर नगरपालिका–८ स्थित जिल्ला कारागारबाट बुधबार फरार भएका चौकीदार लोकबहादुर भनिने २७ वर्षीय दिनेश परियारलाई प्रहरीले पक्राउ गरेको छ । जिल्ला प्रहरी कार्यालयबाट खटिएको प्रहरीले आज बिहान बेँसीशहर–२ स्थित मस्र्याङ्दी नदी किनारमा लुकेर बसेको अवस्थामा परियारलाई फेला पारी पक्राउ गरेको प्रहरी नायब उपरीक्षक गङ्गाबहादुर थापाले बताउनुभयो ।

तस्बिरमा मनसुन भित्रिएसँगै राजधानीका काँठ क्षेत्रकाे राेपाइँ

नेपालमा  केही दिन ढिलाे गरी मनसुन प्रवेश गरेसँगै राजधानी वरपरका काँठ क्षेत्रमा राेपाइँ शुरू भएकाे छ । मानाे राेपेर मुरी फलाउने राेपाइँ तथा राष्ट्रिय धान दिवस असार १५ गते पर्छ ।