एजेन्सी
काठमाडौं, पुस १५ गते । डँढेलोबाट बाँच्न अष्ट्रेलियाको भिक्टोरिया र न्युसाउथ वेल्सका हजारौं सर्वसाधारण समुद्री तटमा पुगेका छन् । डँढेलोले वरिपरिको वायुमण्डल नै रातो देखिएको स्थानीयलाई उद्धृत गर्दै बीबीसीले जनाएको छ ।
अष्ट्रेलियाको जङ्गलमा लाग्दै आएको डँढेलोले करीब दुई महिना यता सर्वसाधारणको जनजिवन प्रभावित बनेको छ । हालसम्म डँढेलोको कारण १२ जनाको मृत्यु भइसकेको छ । “हामी बंकरमा बस्न बाध्य भएका छौं, आकाश रातो हुन गएको छ र समुद्री तटको वरिपरि पनि चारैतिर खरानीको धुलो उडेको छ ।” स्थानीयलाई उद्धृत गर्दै बीबीसीले जनाएको छ ।
भिक्टोरिया राज्यका प्रमुख डेनियल एन्ड्रयुले समुद्री तटमा बसेकाहरुको लागि भोजन, खानाको व्यवस्था गरिने बताउनुभयो । न्यु साउथ वेल्सका डेप्युटी कमीशन गैरी वरबोयजले भन्नुभयो, “परिस्थिति अत्यन्तै पीडादायी छ, बिहानैबाट डँढेलो लाग्न सुरु हुन्छ, हामीले उत्कृष्ट प्रयास गर्दागर्दै घटना भइरहेका हुन्छन् ।”
२०८१ मंसिर ८ शनिवार
