गोरखापत्र अनलाइन
काठमाडौं, साउन २४ गते । ओलम्पिकको आयोजक शहर जापानको राजधानी टोकियोमा गएको चौबीस घण्टामा चार हजारभन्दा बढी कोरोनाभाइरसका सङ्क्रमित थपिएका छन् । टोकियो प्रशासनले शहरमा लगातार चौथो दिन चार हजारभन्दा बढी सङ्क्रमितको पुष्टि भएको जनाएको हो ।
प्रशासनले चार हजार ६६ नयाँ सङ्क्रमित पहिचान भएको र एक सङ्क्रमितको मृत्यु भएको जनाएको छ । १५१ जना हाल गम्भीर अवस्थामा उपचाररत छन् । जापानमा शनिबार मात्रै १५ हजार ७५३ सङ्क्रमित थपिएका छन् ।
२०८१ मंसिर १५ शनिवार
