गोरखापत्र अनलाइन
काठमाडौं, साउन ३२ गते । मलेसियाका प्रधानमन्त्री मुहिद्दीन यासीनले पदबाट राजिनामा दिनुभएको छ । उहाँले आफ्नो राजिनामा राजा समक्ष बुझाउनुभएको विज्ञान मन्त्री खैरी जमालुद्दीनले इन्स्टाग्राममा जानकारी साझा गर्नुभएको एएनआईले उल्लेख गरेको छ ।
प्रधानमन्त्री यासीनले सोमबार मध्यान्ह राजालाई भेटन पुग्नुभएको थियो । मन्त्रीपरिषद्का सदस्यहरुले दिएको राजिनामासहितको पत्र लिएर उहाँ राजा कहाँ पुगेको बताइएको छ । तल्लो सदनमा प्रधानमन्त्री अल्पमतमा परेपछि उहाँको राजिनामा आएको हो ।
विदेश मन्त्री हिशामुद्दीन हुस्सैनले देश र जनताको सेवा गर्न पाउँदा अत्यन्तै गर्विलो महसुस गरेको बताउनुभएको छ । यासीन गत् वर्ष मार्च महिनामा प्रधानमन्त्री नियुक्त हुनुभएको थियो ।
२०८१ मंसिर १४ शुक्रवार
