गोरखापत्र अनलाइन
काठमाडौं, भदौ १२ गते । तालिबानले अमेरिकामा ११ सेप्टेम्बर, २००१ मा अमेरिकामा भएको आतङ्ककारी आक्रमणमा ओसामा बिन लादेनको संलग्नताको प्रमाण नरहेको दाबी गरेको छ । अफगानिस्तानमा आफ्नो पछिल्लो शासनकालमा लामो समयसम्म जोगाएको तालिबानले ओसामा बिन लादेनलाई अमेरिकालाई हस्तान्तरण गर्न अस्वीकार गरेको थियो ।
वाशिंगटन पोष्टका अनुसार तालिबानका प्रवक्ता जबिहुल्लाह मुजाहिदले एक अन्तवार्ताको क्रममा अमेरिकाका लागि लादेन मुद्दा बन्दा उहाँ अफगानिस्तानमै रहेको बताउनुभयो । यद्दपी ११ सेप्टेम्बर, २००१ घटनामा लादेनको संलग्नताको प्रमाण नरहेको उहाँले दाबी गर्नुभयो । उहाँले थप्नुभयो, “अब हामीले अफगान भूमि कसैको हित बिपरित प्रयोग नहुने वाचा गरेका छौं ।”
हवाई आक्रमणमा अमेरिकाको पेन्टागनस्थित विश्व ब्यापार संगठनको जुम्ल्याहा टावर ध्वस्त हुँदा तात्कालीन राष्ट्रपति जर्ज डब्ल्यु बुशले तालिबानलाई लादेन हस्तान्तरण गर्न र आतङ्कवादी शिविर नष्ट गर्न माग गर्नुभएको थियो । तालिबानले लादेनलाई हस्तान्तरण गर्न अस्वीकार गर्दा राष्ट्रपति बुशको निर्देशनमा अफगानिस्तानमा हवाई आक्रमणको सुरुवात भएको थियो ।
विश्वभर सञ्जाल रहेको आतङ्ककारी समूह अलकायदाका तात्कालीन प्रमुख ओसामा बिन लादेनकै योजनामा सन् २००१ को सेप्टेम्बर ११ मा पेन्टागनमा हवाई आक्रमण भएको बताइन्छ ।
२०८२ भाद्र १३ शुक्रवार
