गोरखापत्र अनलाइन
काठमाडौं, भदौ १६ गते । भारतमा गएको चौबीस घण्टामा ४१ हजार ९६५ जना नयाँ सङ्क्रमित पुष्टि भएको छ । थपिएका सङ्क्रमितमध्ये ३० हजार २०३ जना मात्र केरला राज्यका छन् । भारतमा हाल तीन लाख ७८ हजार १८१ जना सक्रिय सङ्क्रमित छन् ।
भारतको केन्द्रीय स्वास्थ्य तथा परिवार कल्याण मन्त्रालयका अनुसार गएको चौबीस घण्टामा ३३ हजार ९६४ सङ्क्रमित कोरोनामुक्त भएका छन् । हालसम्म तीन करोड १९ लाख ९३ हजार ६४४ जना कोरोनामुक्त भएका छन् । गएको चौबीस घण्टामा ४६० जना सङ्क्रमितले ज्यान गुमाएका छन् । जसमध्ये ११५ जना केरलाका छन् । भारतमा हालसम्म कोरोना सङ्क्रमणले चार लाख ३९ हजार २० जनाले ज्यान गुमाउन पुगेका छन् ।
