गोरखापत्र अनलाइन
काठमाडौं, भदौ १६ गते । मध्य पेरुमा बस दुर्घटना हुँदा कम्तिमा २९ जनाको मृत्यु भएको छ । यात्रु बोकेको बस मङ्गलबार दुर्घटना भएको हो ।
बिहान चार बजे राजधानी लिमा र हुआनुको जोड्ने मध्य राजमार्गबाट ७० किलोमिटर टाढा उक्त दुर्घटना भएको समाचार संस्था सिन्हवाले उल्लेख गरेको छ । चालकले बसमाथि नियन्त्रण गुमाएपछि पहाडमा ठोकिएर एक सय मिटर तल रिमेक नदीमा डुब्न पुग्यो । प्रहरीले दुर्घटनाको कारणबारे अनुसन्धान भइरहेको बताएको छ । घाइतेहरुलाई नजिकको अस्पतालमा उपचारका लागि लगिएको छ ।
२०८१ मंसिर १३ बिहीवार
