गोरखापत्र अनलाइन
काठमाडौं, भदौ १६ गते । अमेरिकी सेनाले काबुल विमानस्थल छोडेको केही घण्टापछि अलकायदाका शीर्ष नेताले तालिबानलाई बधाई दिनुभएको छ । अफगानिस्तानमा तालिबानको जित भएको भन्दै अलकायदाका नेताले एक वक्तब्य जारी गरी बधाई दिएको हो ।
“अमेरिकालाई हराउने सर्वशक्तिमानको हामी प्रशंसा गर्छौं ।”– अल कायदाले जारी गरेको वक्तब्यमा उल्लेख छ । तालिबानले गत् मङ्गलबार अमेरिकामाथि ऐतिहासिक जित भएको घोषणा गरेको थियो । १५ अगष्टमै राष्ट्रपति निवास कब्जा गरेको तालिबानले काबुल विमानस्थलबाट अमेरिकाको बहिर्गमनपछि मात्रै आफ्नो जितको घोषणा गरेको हो ।
