गोरखापत्र अनलाइन
काठमाडौं, भदौ १८ गते । भारतमा गएको चौबीस घण्टामा ४५ हजार ३५२ जना सङ्क्रमित थपिएका छन् । थपिएका सङ्क्रमितमध्ये ३२ हजार ९७ जना केरला राज्यका छन् ।
समाचार संस्था एएनआईका अनुसार गएको चौबीस घण्टामा ३४ हजार ७९१ जना कोरोनामुक्त भएका छन् । भारतमा हाल तीन लाख ९९ हजार ७७८ जना सक्रिय सङ्क्रमित छन् ।
चौबीस घण्टामा ३६६ जना सङ्क्रमितले ज्यान गुमाएका छन् । कुल मृतकमध्ये केरलामा मात्रै १८८ जना दत्र्ता गरिएको छ । भारतमा कोरोना सङ्क्रमणबाट हालसम्म चार लाख ३९ हजार ८९५ जनाको मृत्यु भएको छ ।
