गोरखापत्र अनलाइन
काठमाडौं, भदौ २६ गते । इजरायलको जेलबाट भागेकामध्ये चार जनालाई सुरक्षाकर्मीले नियन्त्रणमा लिएको छ । उच्च सुरक्षा सर्तकता रहेको इजरायलको गिल्बोआ कारागारबाट गत् साता छ जना प्यालेष्टाइन फरार भएका थिए ।
इजरायली प्रहरीका अनुसार भागेकामध्ये दुई जना एक कार पार्क गर्ने स्थलमा उभिरहँदा पक्राउ गरिएका छन् । अर्का दुई जना नजारेथ शहरबाट पक्राउ परेका हुन । कारागारबाट उम्किन छ जनाले सुरुङ्ग खनेका थिए । छ जना प्यालेष्टाइन कारागारबाट फरार भएको जानकारी सार्वजनिक भए लगत्तै प्यालेष्टाइन हमास समूहले उत्सव मनाएको थियो ।
२०८१ मंसिर १३ बिहीवार
