लन्डन, कात्तिक १४ गते । बेलायतमा कोरोना भाइरसका सङ्क्रमितहरुको सङ्ख्या ९० लाख नाघेको छ । यहाँका स्वास्थ्य अधिकारीहरुले यो सङ्ख्या ९० लाख १९ हजार ९६२ पुगेको बताएका हुन् । यहाँका अधिकारीहरुले दिएको जानकारीअनुसार शनिबार मात्र यहाँ ४१ हजार २७८ जना सङ्क्रमित पुगेका थिए । योसमेत यहाँ सङ्क्रमितको सङ्ख्या ९० लाख नाघेको हो ।
त्यसैगरी यहाँ गएको २४ घण्टा यतामात्र कोरोनाबाट १६६ जनाको ज्यान गएको छ । यो समेतगरी यहाँ यो सङ्क्रमणबाट ज्यान जाने व्यक्तिको संख्या १ लाख ४० हजार ५५८ जना पुगेको छ । बेलायतमा पछिल्लो समयमा कोरोना भाइरसको सङ्क्रमण बढ्दो देखिएको छ ।
