नोम पेन्ह, कात्तिक २३ गते । कम्बोडियाले मङ्गलबार ६८ औं स्वतन्त्रता दिवस मनाएको छ । राजधानी नोम पेन्हको स्वतन्त्रता स्मारकमा एक घण्टा लामो समारोहसहित उक्त स्वतन्त्रता दिवस मनाएको समाचारमा जनाइएको छ । राजा नोरोडोम सिहामोनी र प्रधानमन्त्री सम्देच टेको हुनसेन सयुक्त रुपमा स्वतन्त्रता स्मारकमा माल्यार्पण गरी दीप प्रज्वलन गर्नु भएको थियो ।
कार्यक्रममा विदेशी कूटनीतिज्ञ, सशस्त्र बल, निजामती कर्मचारी, नागरिक तथा विद्यार्थीहरुको समेत सहभागिता रहेको थियो । उनीहरु सबैले कोभिड–१९ बाट बच्न अनुहारको मास्क लगाएका र शारीरिक दुरी कायम राखेका समाचार उल्लेख गरिएको छ । हुन सेनले नोभेम्बर ९ फ्रान्सबाट स्वतन्त्र भएको दिनको रुपमा मनाउँदै स्वर्गीय राजा नोरोडम सिहानुकले सुरु गरेको महान अभियानको सम्झना गर्नुभएको छ । नोरोडोम सिहानुकलाई कम्बोडियामा स्वतन्त्रताका पिताको मानिन्छ ।
उत्सवको अन्त्यमा, स्वतन्त्रता र स्वतन्त्रताको प्रतीकको रूपमा परेवा र बेलुनहरू छोडिएको थियो । दक्षिणपूर्वी एसियाली राष्ट्रले फ्रान्सेली औपनिवेशिक शासनको ९० वर्षपछि नोभेम्बर ९, १९५३ मा आफ्नो स्वतन्त्रता प्राप्त गरेको थियो ।
