बेलायती प्रधानमन्त्रीद्वारा जेलेन्स्कीलाई शरण प्रस्ताव गर्ने सम्भावनाबारे छलफल

बेलायती प्रधानमन्त्री बोरिस जोनसनले युक्रेनमा जारी रुसको विशेष सैन्य कारबाहीका बीचमा राष्ट्रपति भोलोडिमिर जेलेन्स्की र उनको परिवारलाई बेलायतमा शरण दिने प्रस्ताव गरेको बताउनुभएको छ। सन्डे टाइम्सलाई जोनसनले बताएअनुसार जेलेन्स्कीसँग नियमित कुराकानी हुन्छ र उनी एक निक्कै आकर्षक व्यक्तित्व भएको र प्रेरणाको स्रोत पनि साबित भएका छन्। 

तीन हप्तापछि मारियोपोलकाे केन्द्रमा पुगे रूसी फौज

लामो समयदेखि घेराबन्दीमा पारेकाे दक्षिणपूर्वी बन्दरगाह शहर मारियोपोलमा रुसी फौज भित्रि शहरसम्म पुगेका छन् । अजोभ समुन्द्रमा पहुँच समाप्त भएको एकदिनपछि मारियोपोल पनि रुसी सेनाको नियन्त्रणमा आएको अलजजिराले जनाएको हो । तीन हप्ताको भीषण हमलापछि रुसी फौजको नियन्त्रणमा परेपछि सबैभन्दा बढी विध्वंस हमला मारियोपोलमा भएका तस्बिरहरु बाहिर आएका छन् । ‘बालबालिका र ज्येष्ठ नागरिकहरुको दैनिकी कष्टकर छ, शहर ध्वस्त भएको र...

अमेरिकाले न युक्रेन द्वन्द्वमा संलग्न हुन्छ, न उडान बन्द क्षेत्र गर्छः पेन्टागन प्रमुख

संयुक्त राज्य अमेरिकाले न युक्रेन द्वन्दवमा प्रत्यक्ष संलग्न हुनेछ न उडान नगर्ने क्षेत्र स्थापना गर्नेछ, पेन्टागनका प्रमुख लोयड अस्टिनले सीएनएन प्रसारकलाई भनेका छन् । ठीक छ, राष्ट्रपति जो बाइडेनले यस तथ्यको बारेमा स्पष्ट हुनुहुन्छ कि हामीसँग रुस र युक्रेनसँग लडाईमा संलग्न सेनाहरू हुनेछैनन्, अस्टिनले भने।

अजोभ समुन्द्रमा अल्पकालीन पहुँच समाप्त भएको युक्रेनद्वारा स्वीकार

अजोभ समुन्द्रमा आफ्नो अल्पकालीन पहुँच समाप्त भएको युक्रेनले स्वीकार गरेको छ । सो समुन्द्र युक्रेनको दक्षिणपूर्व, रुसको पश्चिम र सन् २०१४ मा अधिनस्थ गरेको युक्रेनी राज्य क्रिमियाको उत्तरपूर्वमा रहेको छ । युक्रेनी रक्षा मन्त्रालयका अनुसार रुसी सेनाले बन्दरगाह शहर मारियोपोलमा घेराबन्दीलाई कडाइ गरेपछि सो समुन्द्रको सम्पर्क टुटेको थियो ।

मूर्त शान्तिवार्तामा बस्न रुसलाई युक्रेनी राष्ट्रपतिकाे आग्रह

युक्रेनी राष्ट्रपति भोलोडिमिर जेलेन्स्कीले शनिबार मूर्त शान्ति र सुरक्षाको लागि विना ढिलासुस्ती शान्तिवार्तामा बस्न रुसलाई आग्रह गर्नुभएको छ । एकतर्फी हमला गरेर गल्ती स्विकार गर्दै थप क्षति हुनबाट बचाउने मौका सिर्फ रुसलाई भएको पनि उहाँले बताउनुभयो । एक भिडियो सम्बोधनमा बोल्नुहुँदै उहाँले भन्नुभयो, ‘क्षति न्यूनिकरणको लागि गल्ती स्विकार्न रुसलाई मौका छ ।’