जर्मनीले बेलायतका कुटनीतिज्ञलाई नियन्त्रणमा लियो

जर्मन प्रहरीले बेलायतका एक जना कुटनीतिज्ञलाई नियन्त्रणमा लिएको छ । बर्लिनस्थित बेलायती दूताबासमा कार्यरत एक जना कुटनीतिज्ञले रुसी गुप्तचर निकायलाई कागजात हस्तान्तरण गरी लाभ लिएको आरोपमा उहाँलाई पक्राउ गरिएको अन्तर्राष्ट्रिय सञ्चारमाध्यमहरुले जनाएका छन् । जर्मन अभियोजनकत्र्ताले एक वक्तब्य जारी गरी आरोपितलाई अनुसन्धानका लागि नियन्त्रणमा राख्न न्यायधीश समक्ष आजै उपस्थित गराउने बताएको छ । देविड एस नामका अभियुक्तले...

अफगानिस्तानमा ४३९ तालिबानी मारिए

अफगान सुरक्षा निकायले गएको चौबीस घण्टामा चलाएको कारबाहीमा ४३९ तालिबान विद्रोही मारिएको जनाएको छ । कारबाहीमा ७७ तालिबान विद्रोही घाइते भएको जनाइएको छ । अफगानिस्तानको रक्षा मन्त्रालयका अनुसार सुरक्षाकर्मीले नगङ्गारहर, लघमान, लोगर, पक्तिया, उरुगान, जाबुल, घोर, फराह, बल्ख, हेलमन्द लगायतको प्रान्तमा कारबाही चलाएको थियो ।

राष्ट्रपति घानी हिंसाग्रस्त बल्ख प्रान्त पुग्नुभयो

राष्ट्रपति अशरफ घानी हिंसाग्रस्त उत्तरी अफगानिस्तानको बल्ख प्रान्तको मजार–ए–शरीफ पुग्नुभएको छ । टोलो न्यूजका अनुसार राष्ट्रपतिका राजनीतिक एवम् सुरक्षा सल्लाहकार मोहम्मद मोहकिक समेत सँगै यात्रा गर्नुभएको जनाइएको छ । तालिबानले बल्ख प्रान्त नियन्त्रणमा लिन ध्यान केन्द्रित गर्दा राष्ट्रपति घानी भ्रमण गर्न लाग्नुभएको छ ।

कार्यवाहक अर्थमन्त्री राजिनामा दिदै अफगानिस्तान छोडे

अफगानिस्तानका कार्यवाहक अर्थमन्त्री खालिद पेन्दा राजिनामा दिनुभएको छ । राष्ट्रपति निबासबाट दबाब आएपछि उहाँ राजिनामा गरेर अफगानिस्तान छोड्नुभएको अन्तर्राष्ट्रिय सञ्चारमाध्यमहरुले उल्लेख गरेका छन् । रुसी समाचार संस्था स्पुतनिकका अनुसार टेलिभिजन च्यानललाई वितरण गरिएको एक पत्रमा मन्त्री खालिद औपचारिक भ्रमणको क्रममा देश छोडेको उल्लेख गरिएको छ । मन्त्री खालिदले आफ्नो ट्वीटर खातामा अर्थ मन्त्रालयको जिम्मेवारी...

भारतमा एकैदिन ३८ हजार सङ्क्रमित थपिए

भारतमा गएको चौबीस घण्टामा ३८ हजार ३५३ जना सङ्क्रमित थपिएका छन् । भारतमा हाल तीन लाख ८६ हजार ३५१ जना सक्रिय सङ्क्रमित छन् । सक्रिय सङ्क्रमित गएको १४० दिन यताकै सबैभन्दा कम भएको हो । भारतीय स्वास्थ्य तथा परिवार कल्याण मन्त्रालयका अनुसार गएको चौबीस घण्टामा ४० हजार १३ जना सङ्क्रमित कोरोनामुक्त भएका छन् । हालसम्म तीन करोड १२ लाख २० हजार ९८१ जना निको भइसकेका छन् ।