पाकिस्तानमा पाँच आतङ्कवादी मारिए

पाकिस्तानको आतङ्कवाद बिरुद्धको दस्ताको कारबाहीमा पाँच जना आतङ्कवादी मारिएका छन् । मारिएका पाँचै जना एक प्रतिबन्धित समूहका रहेको बताइएको छ । बलूचिस्तान प्रान्त क्वेटा शहरमा दुइतर्फी भिडन्तको क्रममा पाँच आतङ्कवादी मारिएको ‘काउन्टर टेरोरिज्म डिपार्टमेन्ट’ले जनाएको छ । पाकिस्तानको सीटीडीले पछिल्ला दिनहरुमा आतङ्कवादी गतिबिधिमा लागेका ब्यक्तिको पहिचान गरी खोजतलासको क्रम बढाएको छ ।

रुसमा २१ हजार सङ्क्रमित थपिए

रुसमा गएको चौबीस घण्टामा २१ हजार ३७८ जना नयाँ सङ्क्रमितको पुष्टि भएको छ । अघिल्लो दिन २२ हजार १६० जना सङ्क्रमित थपिएका थिए । रुसको संघीय प्रतिकार्य केन्द्रका अनुसार थपिएका सङ्क्रमितसँगै कोरोनाका कुल सङ्क्रमित ६४ लाख ९१ हजार २८८ पुगेको छ । नयाँ पहिचान गरिएका सङ्क्रमितमध्ये ७.२ प्रतिशत एक हजार ५३७ जना ‘क्लिनिकल सिम्प्टम’ बिनाका छन् ।

चीनमा क्यानेडाली नागरिकलाई मृत्युदण्डको सजाय

चीनको एक अदालतले लागू औषध ओसारपोसारको मुद्दाका एक जना क्यानेडाली अभियुक्तलाई मृत्युदण्डको सजाय सुनाएको छ । अदालतले मङ्गलबार क्यानेडाली नागरिक रोबर्ट सेलेनवर्गलाई दोषी ठहर गर्दै उक्त सजाय सुनाएको स्थानीय सञ्चारमाध्यमले उल्लेख गरेको छ ।

भारतमा २८ हजार सङ्क्रमित थपिए

भारतमा गएको चौबीस घण्टामा २८ हजार २०४ जना नयाँ सङ्क्रमित थपिएका छन् । चौबीस घण्टामा थपिएका सङ्क्रमित गएको १४७ दिन यताकै सबैभन्दा कम हो । भारतको केन्द्रीय स्वास्थ्य तथा परिवार कल्याण मन्त्रालयका अनुसार हाल तीन लाख ८८ हजार ५०८ जना सक्रिय सङ्क्रमित छन् । भारतमा हालसम्म तीन करोड १९ लाख ९८ हजार १५८ जना सङ्क्रमित भएका छन् । गएको चौबीस घण्टामा ४१ हजार ५११ जना सङ्क्रमित कोरोनामुक्त भएका छन् । हालसम्म तीन करोड ११ लाख ८० हजार...

भारत प्रशासित काश्मिरमा तीन दशकमा पाँच हजार ८८६ सुरक्षाकर्मी मारिए

भारत प्रशासित जम्मु काश्मिरमा गएको तीन दशकमा आतङ्कवादी आक्रमणमा पाँच हजार ८८६ सुरक्षाकर्मी मारिएका छन् । उक्त आँकडामा सन् १९८९ देखि अगष्ट ५, २०१९ सम्मको सूची समेटिएको छ । भारतको लोक सभामा माग गरिएको एक प्रश्नमा गृह राज्य मन्त्री नित्यानन्द रायले मंगलबार उक्त आँकडा राख्नुभएको हो ।