मानवीय रुटमार्फत बाहिरिँदै, बीस लाखले छाडे युक्रेन (फाेटाे फिचर)

युक्रेनमाथि रुसले भिषण आक्रमण गर्न थालेपछि विभिन्न शहरहरुमा फसेका गैरसैनिक नागरिकहरु दुवै देशको सहमतिमा छिमेकी देशहरुमा जान थालेका छन् । पटक पटक आंशिक रुपमा दुवै तर्फबाट भएका युद्धविरामहरु भङ्ग भए पनि राजधानी किभ नजिक रहेको पश्चिमी शहर इर्पिन र युक्रेनको उत्तरी शहर सुमीबाट नागरिकहरुको उद्वार गरिएको छ । युक्रेनी सरकारका अनुसार सुमीबाट पाँचहजार गैरसैनिक नागरिकहरुले शहर छोडेर पश्चिमतिर लागेका छन् ।

रुसी पेट्रोलियम पदार्थमाथि अमेरिका, बेलायत र युराेपेली सङ्घकाे प्रतिबन्ध

अमेरिका र युरोपेली सङ्घले रुसमाथि थप आर्थिक नाकाबन्दी लगाएका छन् । रुसले युक्रेनमाथि भिषण आक्रमण गर्ने थालेपछि युक्रेनी राष्ट्रपति भ्लोडोमिर जेलेन्स्कीको अनुरोधमा रुसमाथि थप आक्रमण लगाइएको हो । युरोपमा पठाउँदै आएको ग्यास र पेट्रोल रुसले नपठाउने चेतावनी दिएपछि अमेरिका र बेलायतले कटौती गर्ने बताएको छ । अमेरिकी राष्ट्रपति जो बाइडेनले ग्यास र पेट्रोलको आयातमा प्रतिबन्ध लगाइसक्नु भएको छ ।

युक्रेनका विस्थापित शरणार्थी आज वा भोलि २० लाख पुग्छन् : राष्ट्रसंघ

संयुक्त राष्ट्रसंघको शरणार्थी एजेन्सीका प्रमुखले मङ्गलबार युक्रेनमा युद्धबाट भाग्ने शरणार्थीहरूको सङ्ख्या आगामी एक–दुई दिनमा २० लाख पुग्न सक्ने बताउनुभएको छ । ‘मलाई लाग्छ कि आज वा भोलितिरै विस्थापित शरणार्थीको सङ्ख्या २० लाख पार गर्नेछ,’ शरणार्थीका लागि संयुक्त राष्ट्रसङ्घीय उच्चायुक्त फिलिपो ग्रान्डीले ओस्लोमा पत्रकार सम्मेलनमा सो कुरा बताउनुभएको हो ।

भारतमा कोरोनाभाइरसबाट थप चार हजार ३६२ सङ्क्रमित

भारतमा कोरोनाभाइरसबाट दैनिक सङ्क्रमितको सङ्ख्या दिन प्रति दिन घट्दै गइरहेको छ । भारतमा पछिल्लो २४ घण्टामा थप तीन हजार ९९३ सङ्क्रमित भएका केन्द्रीय स्वास्थ्य तथा परिवार कल्याण मन्त्रालयले मङ्गलबार जानकारी दिएको छ । योसँगै भारतमा अहिले सङ्क्रमित अवस्थामै रहेकाको सङ्ख्या भने ४९ हजार ९४८ पुगेको अधिकारीहरुले जनाएका छन् ।

रुस र युक्रेनका विदेशमन्त्री बिहीबार टर्कीमा भेट गर्दै

रुस र टर्कीका विदेशमन्त्रीबीच आगामी बिहीबार टर्कीमा भेट हुने भएको छ । बिहीबार टर्कीको अन्तालयामा हुन लागेको कूटनीतिक फोरममा सो भेट हुन लागेको बताइएको छ । टर्कीले दक्षिणी सहर अन्तलायामा सो फोरमको आयोजना गर्न लागेको छ । त्यस अवसरमा रुस र टर्कीका विदेशमन्त्रीका बीचमा भेटघाट हुन लागेको हो ।