रुसी विदेशमन्त्री युक्रेनका समकक्षीसँग वार्ता गर्न टर्कीमा

रुसी विदेशमन्त्री सर्गेइ लाभ्रोभ युक्रेनका समकक्षी डिमिट्रो कुलेबाबीच भेटवार्ता गर्न टर्कीमा पुग्नुभएको छ । फेबु्ररी २४ तारिखदेखि युक्रेनमाथि रुसी सेनाले आक्रमण गरेपछि दुई देशका उच्चस्तरीय अधिकारीबीच पहिलो पटक भेटवार्ता गर्न उहाँ त्यहाँ पुग्नुभएको अलजजिराले उल्लेख गरेको छ ।

भारतमा कोरोनाबाट थप चार हजार ५७५ सङ्क्रमित

भारतमा कोरोनाभाइरसबाट दैनिक सङ्क्रमितको सङ्ख्या दिनप्रति दिन घट्दै गइरहेको भएपनि गत सोमबारको तुलनामा मङ्गलबार केही मात्रामा बढेको पाइएको छ । भारतमा पछिल्लो २४ घण्टामा थप चार हजार ५७५ सङ्क्रमित भएका केन्द्रीय स्वास्थ्य तथा परिवार कल्याण मन्त्रालयले बुधबार जानकारी दिएको छ । यद्यपी सोमबार तीन हजार ९९३ जना कोरोना सङ्क्रमित भएका थिए ।

चीनमा थप २३३ कोरोना सङ्क्रमित भेटिए

चीनमा केही दिनयता कोरोनाभाइरसका सङ्क्रमितहरु थप सङ्ख्यामा भेटिन थालेको बताइएको छ । चीनको नेशनल हेल्थ कमिसनले दिएको जानकारीअनुसार चीनभित्रै पनि सङ्क्रमणका थप व्यक्ति भेटिएका हुन् । उनीहरुकाअनुसार मंगलबार मात्र चीनमा कोरोना भाइरसका २३३ जना नयाँ सङ्क्रमित देखिएका हुन् ।

रूसमाथि प्रतिबन्धका कारण विश्वव्यापी तेल अभाव हुने ओपेक प्रमुखको चेतावनी

रूसमाथिको थप प्रतिबन्धका कारण विश्वले पेट्रोलियम पदार्थको अभावको सामना गर्नुपर्ने पेट्रोलियम पदार्थ निर्यात गर्ने मुलुकहरूको संगठन (ओपेक) का प्रमुखले मङ्गलबार चेतावनी दिनुभएको छ । पेट्रोलियम पदार्थ निर्यातको रूसको हिस्सालाई बदल्न नसकिने र रूसमाथि लगाइने प्रतिबन्धको प्रत्यक्ष असर यस क्षेत्रले सामना गर्ने ओपेकका महासचिव मोहम्मद बार्किन्डोले बताउनुभयो ।

रुसी विदेशमन्त्री लाभ्रोभ र युक्रेनी समकक्षी कुलेबाबीच भाेलि टर्कीमा भेटवार्ता हुने

रुसी विदेशमन्त्री सर्गेइ लाभ्रोभ र युक्रेनी समकक्षी डिमिट्रो कुलेबाबीच टर्कीमा भाेलि भेटवार्ता हुने भएको छ । युक्रेनमाथि रुसी सेनाले आक्रमण गरेपछि दुई देशका उच्चस्तरीय अधिकारीबीच पहिलो पटक भेटवार्ता हुन गएको रुसी विदेश मन्त्रालयले पुष्टि गरेको हो । लाभ्रोभले एन्टालियमा हुने अन्तराष्ट्रिय कुटनीतिक फोरममा भाग लिन त्यहाँ पुग्नु हुँदा दुई देशका समकक्षीबीच भेटवार्ता हुने कार्यक्रम रहेको छ ।