संयुक्त राष्ट्रसङ्घ प्रमुखद्वारा युक्रेनमा युद्ध प्रभावितलाई सहयोग गर्न आह्वान

संयुक्त राष्ट्रसङ्घका महासचिव एन्टोनियो गुटेरेसले युक्रेनको युद्धले प्रभावित सबैलाई सहयोग गर्न आह्वान गर्नुभएको छ । अन्तर्राष्ट्रिय कानुनको स्पष्ट उल्लङ्घनलाई रोक्न अन्तर्राष्ट्रिय सहयोग र ऐक्यबद्धताको निम्ति पनि उहाँले आह्वान गर्नुभएको हो ।

बाल अस्पतालमा आक्रमण नगरेको रुसकाे दाबी

पूर्वीदक्षिण युक्रेनको तटीय शहर मारियोपोलमा रहेको वाल अस्पतालमा रुसले आक्रमण नगरेको दाबी गरेको छ । संयुक्त राष्ट्र संघ र युक्रेन सरकारले रुसी सेनाको हमलामा वाल अस्पतालमा क्षेप्यास्त्र खसेपछि विरोध गरेपछि उक्त आरोपको खण्डन गर्दै रुसले सो कुरा बताएको हो । रुसले सो समाचार झुठो भएको दाबी गर्दै विगतमा सञ्चालनमा रहेको वाल अस्पताललाई युक्रेनी सेनाले आफ्नो ब्यारेक बनाएको बताएको छ ।

चीनमा कोरोना सङ्क्रमित बढ्दै

चीनमा पछिल्ला केही दिनयता कोरोना भाइरस सङ्क्रमितहरुको सङ्ख्या बढ्न थालेको बताइएको छ । यहाँका स्वास्थ्य अधिकारीहरुले पछिल्ला केही हप्तामा यो सङ्ख्या बढेको बताएका हुन् । यहाँ थप सङ्ख्यामा कोरोना भाइरसका सङ्क्रमित भेटिन थालेको बताइएको छ । चीनको नेशनल हेल्थ कमिसनले दिएको जानकारीअनुसार चीनभित्रै पनि सङ्क्रमणका थप व्यक्ति भेटिएका हुन् ।

ब्लिन्केन र कुलेबाबीच युक्रेनमा थप सुरक्षा र मानवीय सहायता बारे छलफल

अमेरिकी विदेशमन्त्री एन्टोनी ब्लिन्केन र युक्रेनका विदेशमन्त्री दिमित्रो कुलेबाबीच टेलिफोन वार्ता भएको छ । उहाँहरू बीच युक्रेनलाई थप सुरक्षा र मानवीय सहायता उपलब्ध गराउने समन्वयात्मक प्रयासहरूबारे छलफल भएको अमेरिकी विदेश मन्त्रालयका प्रवक्ता नेड प्राइसले बताउनु भएको छ।

रुसी क्षेप्यास्त्र बाल अस्पतालमा खसेपछि संयुक्त राष्ट्र सङ्घद्वारा विरोध

संयुक्त राष्ट्र सङ्घले रुसी सेनाको हमलामा बाल अस्पतालमा क्षेप्यास्त्र खसेपछि विरोध गरेको छ । केही दिनदेखि घेराबन्दीमा परेको पूर्वीदक्षिण युक्रेनमा पर्ने तटीय शहर मारियोपोलमा रहेको गैरसैनिक इलाकामा रुसी सेनाको हमला भैरहेकोप्रति राष्ट्र सङ्घले निन्दा गर्दै आएको हो । संयुक्त राष्ट्र सङ्घका महासचिव एन्टोनियो गुटरेसले असंवेदनशील हिंसा अन्त्य गर्नुपर्ने धारणा राख्दै गैरसैनिक इलाकामा भएका हमलाको निन्दा गर्नुभएको...