आइफेल टावर १०४ दिनपछि खुल्यो

कोरोनाभाइरस महामारीका कारण मार्चदेखि बन्द रहेको आइफेल टावर १०४ दिनपछि पहिलोपटक बिहीबारदेखि पुनः खोलिएको छ ।

मेलबर्न शहरमा तीन महिनायताकै सबैभन्दा बढी सङ्क्रमित

अष्ट्रेलियाको मेलबर्नमा एक्कासी कोरोना सङ्क्रमितको सङ्ख्या बढेपछि जोखिम न्यूनीकरणका लागि सेना परिचालनको तयारी गरिएको छ । अन्तर्राष्ट्रिय सञ्चारमाध्यमहरूका अनुसार जोखिम न्यूनीकरणसँगै परीक्षणका लागि सेना परिचालन गर्न लागिएको हो ।

सेनेगलका राष्ट्रपति म्याकी सल ‘आइसोलेसन’मा

कोरोना सङ्क्रमितको सम्पर्कमा आएपछि राष्ट्रपति सल आइसोलेसनमा बस्ने हुनुभएको हो । बीबीसीका अनुसार सेनेगलको राष्ट्रपतिको कार्यालयले एक वक्तव्य जारी गरी राष्ट्रपति सलको परीक्षण प्रतिवेदन निगेटिभ आएपनि स्वसतर्कताका लागि आइसोलेसनमा बस्नुभएको उल्लेख गरेको छ ।

कोरोना प्रभाव: अष्ट्रेलियाली ध्वजावाहकले छ हजार कर्मचारी कटौती गर्दै

बिहीबार कन्टास हवाई कम्पनीका कार्यकारी प्रमुख एलन जोइसले आगामी तीन वर्षसम्म विमान सेवामा भारी कटौती हुने र त्यसले थोरै कमाइ हुने बताउनुभएको छ । एक वक्तब्यमा उहाँले कर्मचारी र सेवा कटौतीको असर हजारौं सर्वसाधारणमा पर्ने उल्लेख गर्नुभएको छ ।

विश्वभरि सङ्क्रमित हुने ९४ लाखभन्दा बढी, चार लाख ८२ हजारको मृत्यु

विश्वविद्यालयका अनुसार बिहिबार बिहानसम्म ९४ लाख पाँच हजार ८०० जना कोरोनाभाइरसका सङ्क्रमति दत्र्ता गरिएको छ ।