तनहुँ समाचारदाता
तनहुँ, असोज ४ गते । पृथ्वी राजमार्गमा पर्ने आँबुखैरेनी–डुम्रे खण्ड शनिबार दिउँसो सवा १२ बजे देखि अवरुद्ध भएको छ ।
दुर्घटनामा शहिद लखनथापा गाउँपालिका–३ स्थायी घर भई हाल तनहुँको आँबुखैरेनी गाउँपालिका–३ आँबुखैरेनी बजार बस्ने वर्ष २८ को यमबहादुर थापाको मृत्यु भए पछि सडक अवरुद्ध भएको हो ।
दमौलीबाट आँबुखैरेनी जाँदै गरेको लु १ ख ८००२ नम्बरको बस र सोही दिसाबाट जाँदै गरेको वा ९९ प ८००२ नम्बरको मोटरसाईकल शनिबार विहान ९ः२० वजे आँबुखैरेनी बजार नजिकै ठक्कर खाएको प्रहरीले जनाएको छ ।
दुर्घटनामा घाईते भएका थापाको उपचारको लागि आँबुखैरेनी स्थित छिम्केश्वरी अस्पतालमा लैजाँदा त्यहाँका चिकित्सक मृत्यु भएको बताएका थिए ।
दुर्घटना पछि स्थानीय वासिन्दाले बसको चालकको कारबाही र क्षतिपूर्तिको माग राख्दै राजमार्ग बन्द गराएको प्रहरीले जनाएको छ ।
बसको चालक फरार रहेकाले यातयात अबरुद्ध गरेका र यातयात खुला गर्न वार्ता भईरहेको जिल्ला प्रहरी कार्यालय तनहुँका प्रमुख विनोद सिलवालले जानकारी दिनुभयो ।
