बेलिना थापा
लमजुङ, मङ्सिर १४ गते । लमजुङको सुन्दरबजार नगरपालिका २ परेवाडाँडाको अध्यक्षमा नेकपाका नवीनकुमार श्रेष्ठ बिजयी हुनुभएको छ । शनिबार भएको उपनिर्वाचनबाट श्रेष्ठले ९८९ मत ल्याई बिजयी हुनु भएको छ । उहाँका प्रतिद्धन्दी नेपाली कांग्रेसका प्रकाश सेढाइँले ४ सय ८४ मत पाउनुभएको निर्वाचन अधिकृत हरिश्चन्द्र ढुंगानाले बताउनुभयो । स्थानीय तह निर्वाचनमा सुन्दरबजार नगरपालिका २ बाट वडाअध्यक्ष पदमा निर्वाचित नेकपाका लोकराज पाण्डे जिल्ला समन्वय समितिमा निर्वाचित भएपछि उक्त वडामा उपनिर्वाचन भएको हो ।
यस्तै बागलुङको बडिगाढ गाउँपालिका वडा नं. २ को वडा अध्यक्षमा ढालप्रसाद शेरचन विजयी हुनुभएको छ । नेपाल कम्युनिष्ट पार्टी (नेकपा)का उमेदवार शेरचनले ७०४ मत प्राप्त गर्दा काँग्रेस उमेदवार डिलबहादुर रानाले ४१२ र समाजवादी पार्टीका हरीलाल रानाले ६ मत प्राप्त गर्नुभएको थियो । तत्कालिन वडा अध्यक्ष विष्णुप्रसाद भुषाल जिल्ला समन्वय समितिको उपप्रमुखमा निर्वाचित भएपछि रित्त रहेको उक्त स्थानमा उपनिर्वाचन भएको थियो ।
२०८१ मंसिर ११ मंगलवार
