गोरखापत्र अनलाइन
काठमाडौं, फागुन १९ गते । भारतीय प्रधानमन्त्री नरेन्द्र मोदीले प्रधानमन्त्री केपी शर्मा ओलीको दोस्रो पटक हुन लागेको मृर्गौला प्रत्यारोपणको सफलताको शुभकामना दिनुभएको छ ।
मोदीले आफ्नो आधिकारीक ट्वीट मार्फत् भन्नुभएको छ, “मेरा प्रिय मित्र केपी शर्मा ओलीजी तपाईं शल्यक्रियाको सफलता र शिघ्र स्वास्थ्य लाभको कामना गर्दछु ।”
उहाँले सन्देशमा अगाडि भन्नुभएको छ, “भगवान पशुपतिनाथसँग तपाईंको सुस्वास्थ्य, खुशी र दीर्घ जीवनको कामना गर्दछु साथै नेपाल भारत सम्बन्धलाई उचाइमा पु-याउन तपाईंको निरन्तर योगदान रहने विश्वास लिएको छु ।”
सो ट्वीटको प्रतिउत्तरमा प्रधानमन्त्री केपी शर्मा ओलीले मोदीलाई धन्यवाद व्यक्त गर्नुभएको छ । सन्देशमा प्रधानमन्त्री ओलीले भन्नुभएको छ, “प्रिय प्रधानमन्त्री मोदीजी सफल शल्यक्रिया र शीघ्र स्वास्थ्य लाभको शुभकामनाका लागि धन्यवाद । तपाईले उद्धारतापूर्वक यस किसिमका न्यानो शब्दहरू व्यक्त गर्नु भएबाट हाम्रो निकट मित्रता प्रतिविम्बित भएको छ ।”
प्रतिउत्तर सन्देशमा भनिएको छ, “म तपाईंसँग निकट रहेर भविश्यमा नेपाल भारत सम्बन्धलाई नयाँ उचाइमा पु¥याउन पूर्ण रुपमा प्रतिवद्ध छु ।”
