चित्र मिजार
सिन्धुपाल्चोक, भदौ २८ गते । बाह्रबिसे नगरपालिका ७ घुम्थाङको नागपुजे र भीरखर्क पहिरोमा बेपत्तामध्ये तीन जना महिलाको शव फेला परेको छ ।
नागपुजेका ७ घरका १७ जना बेपत्ता छन् । भीरखर्कको मानवीय र भौतिक क्षतिको बिबरण संकलन हुदैगरेको प्रहरी निरिक्षक नवराज न्यौपानेले बताउनुभयो ।
शनिबार राती २ बजेर ४६ मिनेटमा बस्तीमाथिबाट आएको पहिरोले बाह्रबिसे नगरपालिका ७ घुम्थाङको १८ घर बगाएको थियो ।
भीरखर्कका १२ र नागपुच्छेका ६ घर र किम्बे गाउँमा पहिरोले बगाएको छ । इलाका प्रहरी कार्यालय बाह्रबिसेका प्रहरी निरिक्षक न्यौपानेले बेपत्ताको खोजी र उद्धारको काम जारी रहेको बताउनुभयो । अहिले स्थानीयहरु खोजी कार्यमा जुटेका छन् ।
