काठमाडौं, पुस १० गते । नेकपा (माओवादी केन्द्र)को राष्ट्रिय सम्मेलन अगाडि केन्द्रीय कार्य समितिको बैठक बस्ने भएको छ ।
शनिबार बसेको संक्षिप्त स्थायी समितिको बैठकले आइतबार बिहान केन्द्रीय समितिको बैठक बस्ने निर्णय गरेको हो । प्रवक्ता कृष्णबहादुर महराका अनुसार आइतबार बिहान ८ बजे केन्द्रीय समितिको बैठक बसेपछि दिउँसो १ बजे राष्ट्रिय सम्मेलनको उद्घाटन हुनेछ ।
शुक्रबार बसेको स्थायी समितिको बैठकमा अध्यक्ष पुष्पकमल दाहाल ‘प्रचण्ड’ले राजनीतिक प्रतिवेदन पेस गर्नुभएको थियो ।
