काठमाडौं, पुस १९ गते । सत्तारुढ दल नेपाली काँग्रेसको केन्द्रीय समितिको बैठक सोमबार दिउँसो २ बजे बस्दैछ ।
केन्द्रीय कार्यसमितिको बैठक आगामी माघ १२ गते हुन गइरहेको राष्ट्रिय सभाको निर्वाचनको एजेण्डामा केन्द्रित हुने केन्द्रीय सदस्य अर्जुननरसिंह केसीले बताउनुभयो ।
अहिले राष्ट्रिय सभाको निर्वाचन नै प्रमुख एजेण्डाको विषय छ । यसबाहेक बैठकमा अन्य समसामयिक राजनीतिक विषयमा छलफल हुने उहाँ बताउनुहुन्छ ।
ललितपुरस्थित पार्टी कार्यालय बीपी स्मृति भवनमा काँग्रेसका पदाधिकारी र केन्द्रीय सदस्यहरुको बैठक बस्न लागेको हो ।
