काठमाडौँ, पुस २१ गते । प्रधानमन्त्री शेरबहादुर देउवाले निर्वाचनमा गठबन्धन सरकारले आपसी तालमेल गर्दै जाने विश्वास व्यक्त गर्नुभएको छ । बुधबार सिंहदरबारमा मन्त्री र सचिवसँगको छलफलमा निर्वाचन निष्पक्ष हुनुपर्नेमा जोड दिँदै प्रधानमन्त्री देउवाले यस्तो विश्वास व्यक्त गर्नुभएको हो ।
‘निर्वाचन आयोगले निर्वाचनको तयारी गरिराखेको छ । निर्वाचनको सम्बन्धमा हामीले आयोगलाई सक्दो सहयोग गर्नुपर्छ । निष्पक्ष निर्वाचन होस् भन्ने हाम्रो चाहना रहेको छ’, प्रधानमन्त्री देउवाले भन्नुभयो, ‘निर्वाचनमा गठबन्धनको सरकारले आपसी तालमेल गर्दै जानेछौँ भन्ने विश्वास छ ।’
